علاقتي بزوجي
السلام عليكم اولا يابنات تكفون ركزو على موضوعي ولاتركزو على الاسم لان جاني تعليقات على ليش حاطه اسمك كامل المهم يابنات والله اني اكتب لكم الموضوع وقلبي مليان ضيق وحزن ومنهاره انا متزوجه وعندي بنتين ولا اكره زوجي بس مااحبه واكثر شي اكرهه اذا دعاني للعلاقه وربي اشيل همها ولا ني متخيله اني بعيش باقي عمري اني اسوي شي اكرهه للموت وربي ادعي على نفسي اني اموت وارتاح ولا ابي اجلس معه على علاقه مره ثانيه مادري وش السبب بس فعلا كرهه لايوصف وهو بالعگس يحبني يمكن له دور قبل كانت بينا مشاكل فكرهته والله يابنات انا جالسه على شان بناتي ولا الي بقلبي جالسه اكتمه ومحد يعرف عنه غير انتو والله كل مره اخلص معاه من العلاقه اجلس ابكي في الحمام وانتم بكرامه وهو يابنات يطلبها كثير ويبيني احمل كثير وانا مابي كذا ابغا ادرس ابغا اهتم بنفسي واخذ بريك منه ومن مقابل وجهه والله اذا سافر ٧ ايام احسها اجمل ايام بحياتي واذا جاء كان كل هموم الدنيا علي راسي خاصه مع العلاقه انا مادري وش وضعي وقلت استشيركم هل يمكن عين ولا عايفته ولا ايش واحس لازم ادور حل لمشكلتي تعبت وانا اكتمها بداخلي والله انا اخطط اتوضف واتطلق ولا ابغا اتزوج بس برتاح وبهتم بنفسي وبجسمي مابي احد ناشب لي كل يوم تعالي او احملي. وللعلم ابوي ماتقدر ارجع له يعاملني اسوا معامله مادري وش اسوي واسفه على الاطاله 💔
