زوجي يحط العيب فيني 💔

سلام عليكم بنات كيفكم ...
والله يافيني ضيقه الدنيا كلها ومدري وش اسوي
اليوم بعد ماراح زوجي لصلاة فتحت جواله ولقيت محادثته مع اخته طبعاً انا مناخره بالحمل لي ٤ سنوات والسبب زوجيي الحيوانات المنويه قليله وضعيفه الحركه ومعه دوالي وفيه سكر وغير ملتزم بالعلاج وكان يسولف على اخته انو العيب مني وعندي مشكله بالتبويض ورحمي مدري ايش ، وهي كانت تقول له اللي فيكم اكيد عين اخت زوجتك عينها حاره وتسب اهلي انهم حارين وتقول بقرتك اللي هي انا دايم تصور وصديقاتها عينهم قوويه وهو ساكت ويقراء حتى مادافع عني 💔، والله انقهرت اختي مسكينه حالها حال نفسها وشايفه خير الحمدلله كل سنه بزر ولادرت عن هواء داري ، وصديقاتي مااصورلهم كثير قاطعه تصوير وغير كذا هم اللي مره عينهم حاره ومكرهيني عيشتي ، يابنات قولولي وش اسوي ؟ انا قايله له لاتعلم احد وهو المهم انهم جولنا ع الرياض عشان فيه دكتور ذكورة وعقم ،، وش اسوي اصارح زوجي بالمحادثات ويدري اني فتحت جواله ؟ ولا احلم اخته ولا ايشششش تكفون عطوني حل

19 تعليق 3,670 مشاهدة

شاركي في النقاش

سجلي الدخول لإضافة تعليق.

التعليقات

19
  1. @nony83

    الله يرزقك الذريه الصالحه السليمه عاجلاً غير أجلا.ً
    مااقدر اقولك شيء غير الدعاء لك 🌺
  2. @aseeelaaa

    ما اعتقد انه حل لما تصارحي زوجك انك فتحتي جواله لانه بيقلب عليك انك تتجسسين عليهم وكذا... بس في طرق كثيرة تبينين اذا تحبي تبينين لاهله انه ما عندك انتي مشاكل بالانجاب مثلا تروحي مع واحدة من اخواته لدكتورة .. والله يرزقكم حبيبتي هو شعور صعب ما قالوه عنك بس احيانا عدم تفتيش جوال الزوج اريح لك..
  3. @rhab_fars

    ..
    الرجال مايحطون عيبهم فيهم حتى وش .
    بس حركته مع اخته تبط الكبد
    بس معليك كنك مافتحتي ولا قريتيانتبهي تحارشين اخته 🤢هذي اسحبي عليه ولا تقدرينها ولا تعطينها اكبر من حجمها.
    وتعوذي منها واستودعي نفسك.

    بس حركة البقره تقهر اخ بس.
    عادي بعض الازواج مايدقق بكلام اخته. يمكن اهي الي حاشره عمرها وتسال
    ..
  4. لاتعلمينه انك فتحتي جواله واحمدي ربك كشف نوايا اخته واعرفتيها على حقيقتها واذا توجهتي. انتي واياها قولي العيب من اخوك وطقطقي عليها
  5. @tahani999

    لاحول ولا قوة الابالله
    انا ماقهرني كلامه ان العيب فيك قهرتني اخته وكيف استغلت الوضع بكلامها السيء عندك
    نصيحتي كالاتي
    اجلسي جلسة مصارحة مع زوجك وحطي النقاط على الحروف قولي اهلك دايما يلمحولي بالحمل بطريقه تجرح وش العمل !!هم يظنون العيب فيني مادري ليش يظنو كذا كان احد معلمهم هالشيء ..عموما اطلب منك تصارحهم ان عندك مشكله وقاعدين نتعالج وان مافيني شيء وقتها راح يسكتون...! وشوفي وش راح يقولك


    بس انك تقولين له انكي شفتي محادثته بالجوال غلط بكذا مارح يثق فيك ..انتبهي

تابعي تجارب أخرى من هذا القسم.