وش الحل مع التهاب الرئة للاطفال

السلام عليكم ورحمة الله وبركاته
اختي صارلها مع ولدها ٣ اسابيع بالمستشفى لان عنده التهاب في الرئة
هي تعبت وهو تعب كله بخار ومضادات الله يعين
دايما ولدها بين فترة وفترة يتعب ويتنوم
والله انهلك من المستشفى
ولدها باقي شهرين ويكمل سنتين ،، هل راح يستمر معاه ولا يختفي ؟
مين كان عندها طفل كذا واختفى منه مع الزمن ؟
وهل فيه اكلات تزيد الحساسية يعني ولا كيف ؟
ولا عشان تغير الاجواء ؟
لان فجأة تعب 💔

5 تعليق 1,610 مشاهدة

شاركي في النقاش

سجلي الدخول لإضافة تعليق.

التعليقات

5
  1. @aakd_osoar

    هلا والله انا ولدي كان كذا والله صيف وشتاء تخيلي جت عليه فترة يطيب اسبوع ويمرض اسبوع يعني بالشهر نستعمل المضاد مرتين ونتنوم بالملاحظة بعد والحمد الله الحمد الله يوم كمل ٤ سنوات صارت تتأخر عنه شهرين وثلاثة ويوم كمل ٦ سنوات بدت تختفي الا شي بسيط ما شاء الله لا قوة الا بالله والله يا ليالي عشتها معه اللهم لك الحمد ولك الشكر طمنيها بس وما يشوف شر
  2. @aakd_osoar

    ايه وخليها تبحث عن أسباب الحساسية يمكن يمشي حافي على البلاط يمكن يشرب بارد يمكن ما تناسبه العطور يمكن تغسل ملابسه بمنعم الملابس او نوع الحليب او ينام بوجه المكيف او ياكل شوكولاته خليها تجتهد وتحرص وبإذن الله ما تطول معه كثير
  3. @ryma_187

    صاحبة الموضوع
    عقد وسوار
    ايه وخليها تبحث عن أسباب الحساسية يمكن يمشي حافي على البلاط يمكن يشرب بارد يمكن ما تناسبه العطور يمكن تغسل ملابسه بمنعم الملابس او نوع الحليب او ينام بوجه المكيف او ياكل شوكولاته خليها تجتهد وتحرص وبإذن الله ما تطول معه كثير
    ان شاء الله
    الله يحفظ لك ولدك ويخليه لك ♥️
  4. @mlk_ansan_1

    لازم تبعده عن اي شي يهيج عليه الإلتهاب


    بخور ، منظفات ، عطور ، حتى فلاتر المكيفات تنظفها
    بالإضافة لعلاجه تدهن صدره بزيت سمسم دافي وتنتبه لملابسه لا تتبلل


    الله يشفيه ويرفع عنه
  5. يكبر وتخف عنه باذن الله


    والاشياء اللي يتحسس منها الدكتور بعد الكشف يقول عليها


    بالنسبه لولدي كان ممنوع من الشكولاته والموز والمانجو والبيض والايسكريم وريحة البخور والعطور والغبار وحتى ريحة الطبخ لانه كان ياخد كورس علاج يستمر شهرين واهم شي وقت العلاج يبتعد عن البارد والمكيف واي تيار هوا وبعد ماكبر ودخل المدرسه خف كثير الحمدلله وقلت فترة العلاج من شهرين لاسبوع الحمدلله


    انا ذكرت لك الاشياء الممنوعه حتى تستفيدي واسالي الدكتور عنها ولاتنسي ان هالايام اجواء مرض من تغيرات الجو


    الله يشفيه لكم ويعافيه ويكتب لامه الاجر يارب

تابعي تجارب أخرى من هذا القسم.