التجمع 167 للمقبلات على الحقن المجهري واطفال الانابيب

دعواتي لكن بالتوفيق هذه المره والنتيجة المفرحة

هلا حبيبتي امين يارب واجمعين للكل الله يرزقنا بالذريه الصالحه

تهاني شنو الاعراض بعد نقل الاجنه المجمده نبي نعرف نفس اعراض الاجنه الفرش ؟

وشنو تسون خلال هالاسبوعين لما تطلع النتيجه ؟

اذا انتي عندج تجربه قوليها لنا انا اول مره انقل اجنه مجمده ويارب اخر مره واكون حامل بس مو حاسه بشي عادي

فحص الاجنة وراثياً بالرياض


ياليت تدخلون موضوعي الله يسعدكم👆🌸

مرحبتين اختي جني

تصدقيى للان مافي اعراض تاكد لك انه حمل او لا بس بقولك تجربتي بالمجمد ( الفريش هو الي حسيت فيه كل اعراض الحمل غثيان دوخه ومغص كل الوقت رغم كذا فشلت كل المحاولتين بس الثانيه كان فيه هرمون حمل ٢٩ بس نزل كان حمل كيميائي بس اكتشفت ان عملية السحب مع ادوية التنشيط هي الي سببتلي كل الاعراض
المجمد مرتين
المره الاولى ثالث او رابع يوم حسيت بمغص غريب استمر دقيقه او دقيقتين مادري حسيت وقتها ان علامة انبات فاستبشرت وفعلا كنت حامل
المره الثانيه ماذكر حسيت بنفس الالم الي بثالث يوم بس باليوم التاسع بديت احس اعراض دوره ونزل علي دم خفيف جدا حللت بنفس اليوم طلع حمل لتسع اشهر جبت فيه بنتي الحمدلله

لاتشيلي هم لان ترجيع المجمد ماتحسي فيه ابد اقل ضغط واقل توتر الجسم مرتاح فخليك على طبيعتي تابعي افلام مسلسلات اطلعي شمي هوا ترجيع المجمد الاخير كان زوجي باجازه وبطبعه يحب نطلع فكنت اطلع يىوميا مطاعم مشاوير بس اول يومين فقط ارتحت وباقي الايام رجعت حياتي طبخ وتنظيف وشغل بيت على خفيف وبدون حمل شيء ثقيل كان زوجي يساعدني بحمل سلة الغسل ومرة الايام بسرعه لاني شبه نسيت الوضع اي اذكر طبيتي بامريكا كانت تقولي اضحكي كثير مادري صادقه او تمزح بس فعلا قضيت وقتي برامج كوميديا ومسلسلات وضحك 😁

👍
ربي يرزقنا جميعاً ونبشر بعض..