ابي انسى كل شي وابدا من جديد 😭💔

قومي وقولي الحمدلله
انه يعدل شوفي المنتدى وباقي الشكاوي
زواج الزوج مو شرط انه يكره الاولى نهائي
كنت بدراسه قبل فتره
قريت بعض اللي كتبون ايجابياته اكثر من سلبياته
بعضهم يقول ابي الاولى مدلعه والثانيه تجيب عيال
واللي يقول احب الاولى جدا بس بغير روتين وصرت اشتاق لها مرا
مرا لاتزعلين دامه عادل
خلي يوم اللي ماهو فيه خلصي كل شغلك واذا جا خلي اليوم كله له
يوم طلعه يوم فالبيت واجواء
هو نفسه بيصير يشتاق وش بيصير اليوم

لاتخلين التعب ياثر ع وجهك وصحتك ونفسيتك وتخلين الثانيه تنافسك
خليه يشوفك غير ولاتبينين ضعفك
الا بحضنه فقط
وبس

ياااعمممري انتتتي
دام طيب ومحتتترم وزي ماهو ماتغير الحمدلله حاجة حلوة
انتي اكسبي ودلعي واهتمي فيه وخلاص انسي انسي ولاتفكري انو عندك جارة ابداااا
عيشي حياتك ياختي واكثري من الحوقلة بنية الراحة النفسية والله غير ترتاحين واشغلي نفسك بزيارات وخرجات مع اهلك اخواتك صديقاتك في اليوم الي يكون عند جارتك
الله يسخره لك ويريح قلبك وقلب كل مسلمة ❤️❤️

ياعمري والله حاسه بك وبحروفك. ماحبك واحترمك الا لمميزاتك بقلبه وبحياته. وانتي ماحبيتيه الا للميزاته
صدقيني غلاك زاد عنده وتدلعي عليه تراه شاري خاطرك ويموت فيك ماعليك من الي يقولو لو يحبك ماتزوج. هذا خرابيط
وترا زواجه مش شرط يكون له سبب مقنع بنظر زوجته
صعب مررا. انا جربت وضعك بالضبط وعجزت اتقبل ماينتهي يومها الا بنفجر قهر وحسره غصب احنا مانملك مشاعرنا.
تمسكي فيه واعتزي كونك زوجه اولى لك مميزات كبيره
لاتطلقي ابدا. ماراح ينفعك الا زوجك واستقرارك بيتك ومملكتك.
انا كنت اردد بتطلق مليون مره لاضقت ولله الحمد صمدت ولاخذته جد
الله يبردها عليك ولاضاقت الا ستفرج

عز الله رحتِ في داهية لو عملتِ بنصيحتها 🙄
عزيزتي صاحبة المشكلة : زواج زوجك صار واقع ولازم تتعاملين معاه على هذا الأساس ..ومن هنا نصيحتي لك :
1- شيليه من قلبك 😳 ايه شيليه من قلبك لاتطالعين كذا هههه بمعنى لاتعلقين قلبك فيه يعني عامليه بما يرضي الله وقومي بحقوقه عليك لكن بدون حب صدقيني بترتاحين لأن أكبر مصيبة تصيب الإنسان هي التعلق بالبشر ، والتعلق كارثة يخليك كل يوم تنحرقين بنار الحنين والشوق وتنكوين بجحيم الغيرة .. وعشان تطلعينه من قلبك تذكري عيوبه وأكبرها إنه كسر قلبك وجاب عليك ضرة وخلاك تعيشين إحساس الغبن كل يوم ..
2- زوجك رغم اللي سواه يعتبر من فئة الكرماء ! ليش ؟! لأنه لو كان لئيم كان نسيك وطنشك ومال مع الثانية لكن لأن فيه شيء من الهير فهو لازال يداري خاطرك ويراعيك رغم وجود البديل اللي يسوي له كل شي كنت انت تسوينه ..
عشان كذا ريحي قلبك وعيشي حياتك وخليه هو مجرد إضافة لها إن جاء حياه الله وإن راح مع ألف سلامة ..

ادعي الله ان يمنحك القوه والصلابه وانه يبعد عنك الهم والقلق والغيره لانه هالشي حصل وانتهى مايمديك تسوين شي وشوفي مجرد ماتروح منك الغيره راح تتحسن امورك لانه حتى لااراديا تصرفاتك معاه راح تتغير للاحسن لانها من المشاعر السلبيه بعدها حتى هو راح يحب القعده معك لان الغيره وكثره اللوم منفره للزوج