✨ التجمع ( ٦ ) لحوامل مواليد مايو & يونيو 2021 ✨

في خاص اخذتها 💛💛

ليه مطّلعه على اسامي اللي بيموتون لمن تقول كذا !! ناس غريبه والعلم والطب بريئ منهم دكاتره وممرضين.
بتتي الأخيره كانوا ديك كذا يحبطوني اللي يقول كيف بتولدين مستحيل طبيعي ومستحيل قيصري الليف ع مكان العمليه
واللي يقولي اسجدي شكر لو دخلتي 8
واللي يقولي نعطيك ابر الرئه بس كذا ولا الجنين ماراح يكمل
يالطيف لعبوا بنفسيتي واحزنوني ولا اشتريت شي لبنتي خايفه اخسرها وارجع اشوف اغراضها انجن ، غير ان وزنها ثبت من الثامن فقالوا ابصر ايش مشكله الجنين وزنه ثابت
صرت طول الوقت اكلمها واشجعها ودخلت اكتئاب وحزن ولمن جتني الولاده كنت مرعوبه اروح اولدها وتكون الوداعيه بيننا كنت مبسوطه ابغا اكون حامل كل عمري بس ماتروح مني
وسبحان الله قعدت 39 اسبوع وكم يوم 😂 وولدتها طبيعي وبوزن فوق 3 كيلو وهم كذابين يقول ن واقق ع 2 😂 وجت نور عيني سليمه متعافيه مافيها اي مشكله او عيب ، والله انها تخيط ولا احس بشي من فرط الفرح اخذها منهم وافتشها واحلفهم بالله ان وزنها فوق 3 وسبحان الله رجعت بيتي ونمت وصحيت على اكتئاب شديد استمر 6 شهور ماقدرت اتقبل بنتي او اعطف عليها . انصدمت من نفسي كانت فيني مشاعر قويه لها مدري وين راحت واضطريت اعطيها امي شهرين كنت حتى م امر ولا اشوفها من الحزن اللي اعيشه لين ربي مدني بالقوه وطلعت نفسي من الاكتئاب والحمدلله يارب ، وانصح اي حامل لا تكتئبين وتحزنين وش ماقالوا لك لاتسمعين منهم ، بتخسرين صحتك النفسيه من تهاويل الدكاتره والكذب والدراما حقهم ، الله مسبب الاسباب ولطيف بعباده مو معطيك اكبر من قدرتك

والله صادقه بكلامگ اتذكر اول ماجاني النزيف فيهـ الطوارئ دكتور قال خلاص الجنين الحين بينزل مئه بالمئه دكتور ثاني يقول نسوي كشفيه لها قال لا لا مايحتاج اكيد الرحم عندها مفتوح هذهـ بينزل اكيد. وانا ماانكر اني حزنت وتعبت نفسيا وكنت اقول بيكون ٣ إجهاضات ورا بعض ويوم صعدت قسم تنويم يوم شافني الاستشاري كان يقول هو بينزل بالغالب ماراح يستمر احنا مانبي هالحمل اصلا يظل وهو شكلهـ ع جرح العمليه وكذا خطر ومن هالكلام والله عظيم قالها ليش اعطيك مثبت تبين تثبتين الجنين عدل وهالكلام وانا بالاسبوع السابع. والحين انا بالاسبوع ١١ وان شاء الله اللي ربي كاتبه هو اللي بيصير تيقنت لو يقولون وش يقولون بالنهايهـ ماراح يصير الا اللي الله كاتبه لو كلهم اجمعو ان الجنين راح يسقط ماراح يعيش وربي كاتب له ان يطلع ع دنيا راح يظل ويستمر الحمل ولو كلهم اجمعو ان الحمل سليم وراح يستمر الحمل والوضع مستقر وربي كاتب ان مايعيش لو فيه اخر لحظه من الولاده راح يموت كل شي بيد الله وربي قادر ع كل شي.

يالله
الحمدلله على سلامتكم وقرت عينك بشوفتها الله يحفظها لك ويسعدها
والله فيه ناس ما تخاف الله يزيدوا الهم همين
مايدرون ان الكلمة الطيبة صدقة ويؤجرون عليها

والله نفسية الحامل لازم تكون تمام والله انا في بكري صابني نزيف بداية الرابع وكان اجهاض منذر اسبوع وانا مسدوحة على السرير لا اروح ولا اجي الا للحمام تكرمون
افتكر صلاة عيد الاضحى وانا ابكي واصيح خايفة
والله طول فترة الحمل جالسة متوترة وعلى اعصابي وعايشة في قلق لدرجة كنت اخذ كم حبة مثبتة في اليوم من راسي الله يسامحني بس ماارتحت الا يوم ولدته اللهم لك الحمد
لكن احس ولدي تأثر شوية من نفسيتي لانه بكاي كان الله يهديه ذحين الحمدلله احسن من اول بكثييير

😂😂😂😂
انا دكتورتي اللي اراجع عندها من زمان في مستشفى خاص وهي استشاريه قديمه مره لكن والله لاول مره اشوف دكتوره مو استغلاليه لهذي الدرجه، يعني مستحيل تعطيني ادويه كثيره ومالها داعي ومستحيل تكرر لي التحاليل كل شهر وبالرغم من الزحمه اللي عندها الا انها مبتسمه وتدلع المراجعه كأن ماعندها الا هي وتحب تطمن وتوضح كل شي في السونار بس المشكله ان مافي عندها توليد وكمان الزحمه فضييييعه اقل شي ٥ ساعات انتظار لان اعداد مراجعينها مايقل عن ٤٠ حاله في الفتره الوحده

الاسبوع الماضي رحت عند وحده قريبه من بيتي يا الله فرق السما عن الارض تحاليل لكل شي يجي في البال ووصفة العلاج مليااااانه ومراجعه بعد اسبوع وبتعطيني مغذي قلت لها لاااا
طبعا سحبت ع كل شي اعطتني بس المهم تطمنت ع الجنين وبنتظر موعدي عند دكتورتي الاسبوع الجاي وبشوف