🌟🤰🤰التجمع (٤٣) لمواليد [ يناير ، فبراير ٢٠٢١ ] 🤰🤰

يعطيك العافيه رووز على التجمع ❤️🌹

سلامتكم بنات من السكر 😔😔😔


وان شاء الله حاله عرضيه وتروح بعد الولاده
وترى ضيقة الصدر والتفكير ىالهواجيس ترفع الضغط والسكر والعكس
انتبهو لأكلكم واتبعو حميه وبعد الولاده بإذن الله يزول

بس بتحدد موعد الولاده على حساب السونار اتوقع وانا مااذكر متى اخر دوره للاسف 😅
واليوم رجعني السونار اسبوع تحطمت 😢
ولادتي قيصري..

اجرنا و اجركم يارب ويرحم موتاكم
يعطيكم العافية يابنات ماقصرتو ان شاءلله بسوي مثل ماقلتو ♥

بناااات
تخبرون سالفتي مع الربطه
طالبه ربطة لبنوتتي من تشلدرن صالون نفس ماركة لبس الاستقبال واخر حبه في الموقع وجلست ١٠ ايام او اكثر ودق مندوب توصيل اراميكس قال ارسلي اللوكيشن ارسلت له موقعي دق قال لاااا طلعي احد يستلمها مني في حي معين من احياء شمال الرياض قلت مجنون انا غرب الرياض اطلع للشمال ليش تعال للموقع رفض
دق بعد كم يوم مندوب وسواا فيني نفس الحركة
وانا شغااله طقاق مع ارامكس الشركة المخيسه هذي الفاشله
كل يوم هذي حالتي ادق واهاوش ويرفعون بلاغ وطلب توصيل وحااالتنا حاله ماتسوى ع ربطه المهم تمت شهر ماجتني المهم وادق واطفسهم واهاوش قالو داقين عليكم ومارديتو قلت محد دق علي ولا شفت اتصال بس مندوبين ٢ وقالو اطلعو للشمال استلموها
قالو رجعت للمستودعات ويفتحون طلب توصيل ولا جتني وادق قالو عليها امر ارجاع للمتجر بلد المنشاء <<<<< لبريطانيا 😣
قلت هي عندكم في الرياض وصلوها لي قالو هذا النظام
قلت هين والله لافضح بكم في تويتر
المهم اتواصل مع تشلدرن صالون قالو خلاص اذا وصلتنا من الرياض بنسوي امر ارجاع المهم طنشت الموضوع مليت منهم تمت شهرين السالفه تخيلووو ع ربطه
المهم فتحت ايميلي برسل واجب بنتي للمنصه لقيت ايميلات من تشلدرن صالون لها ٣ ايام يقولون تبون الشحنه اكدو لنا ع الرابط
المهم انا قريتها متأخر اثرهم كنسلوها ورجعوها للمتجر وقالو بنرجع فلوسكم طبعا مارجعت للان


وطلبتها ثاني مره بس اشووى لقيت شركة غير اراميكس الفاشله
دي اتش ال صح اغلى الشحن عن طريقها بس اهم شي مااشحنها عن طريق اراميكس
تخيلووو طلبتها من اربع ايام او اقل
جت من بريطانيا للبحرين ومن البحرين للرياض بعدين جتني اليوم 😍
واراميكس مابعد تفرغت لهم بفضح بهم بس افضى واروق وامنشن الجهه المسؤله عنهم وابرد قلبي
وتوته توته خلصت الحتوته 😚


الربطه تجنن حلووه بس احسها كبيررره عليها 😟🥺🥺 وراسها صعنووون 🥲