ابغى علاج والا حل لزوجي المثلي

لا ما اسمه لواط، اسمه عمل قوم لوط ، لوط نبي ومانقول لوطي! نقول يعملون عمل قوم لوط، انتبهوا . .

صاحبة الموضوع صراحة الحل قدامك صرررريح.
اتركيه يختي اذا زوجك فعلاً يسوي ويفعل؟
اعوذ بالله ترا بتجيك امراض مو شيء سهل
الله حرم العلاقة بين الرجل والمرأه من الخلف
فما بالك رجل ورجل؟ اعوذ بالله . .
كلمي اهلك كلمي اهله مدري موضوعك احس
لازم ضروري الاهل يعرفون ! حرام ومصيبة
وعندك ولد ، الله يعينك يارب ويختارلك الافضل 🙏🏻

وعليكم السلام ورحمة الله وبركاته ..
الله يجزاك خير الجزاء..

انتي تقولين حب الله في قلبك جدا ضعيف لانه لو كان قويا مارضي بالفساد ، بس انا ابغاه يتوب ، لنفترض اني انفصلت عنه وربي بيزيد اكثر وبيرجع يقابلهم من جد لكن انا من كثر خوفي من الله ابغاه يتوب الى الله ولا يدخل في الحرام ..
والحين بدا بتوب وصار كل ظهر يتابع اهوال يوم القيامه وقصص الانبياء ، ويقول انه وده يطول لحيته ويتطوع احسه ملتزم ودايم يحط محاضرات شيوخ .. بس مدري كيف يتابع هالاشياء المحرمه وهو يسمع قصص الصحابه والانبياء مدري كيف !
بس انتي ماتدري بالوضع
يعني تخيلي مو بس هو الي يتابع عيال كل الي يشتغلون معه أغلبهم اتوقع شاذين اتوقع ..

حتى واحد صديقه من جماعتنا زوج اختي،
شفت محادثاته في الواتس معه يعني مايمارس معه لا بس كانوا يقولوا اشياء انهم ودهم يقابلوا ناس بس يبغونهم ناس غريبين مايعرفونهم ..ع شان مايفضحونهم
بس انا ماقلت لاختي صراحه ما ابغى اخرب بيتها ومعها عيال منه ..
والله لما اروح عندها تشكي لي وتبكي تقول زوجي ودي افتح جواله مدري وش يتابع يدخل اللحمام الله يكرمكم وياخذه معه واذا جيت ابغى اشوف يقول لي وش تبين ؟؟
بس هي زوجها مقصر معها بزياده انا لما افتح لزوجي هالموضوع يتندم ويقول ادعي ان ربي يهديني ..
وقالت واضح انه يراسل بنات
هي ماتدري عن هذا الزمن انهم خلاص صاروا العيال اغلبهم شهوتهم تميل للعيال والا شهوتهم للأثنين ،
قالت هي مشتركه بحاسبه في الانستقرام وهو مشترك مع بنات اجنبيات الله يستر علينا وعليهم..
قالت فاتحيته بالموضوع وقالت له انت تتابع بنات وورته الي في الحساب قالت تلخبط ماعرف وش يقول قال هذا حساب قديم حقي وانا عزابي
قالت قمت انصحه ترا العين تزني ومن هالكلام .. قالت عصصصصصصب علي مره قال لاتتدخلين بخصوصياتي قالت له خصوصياتك وخصوصياتي لازم نشاركها لبعض قال لها اذا قلتي كلمه ثانيه وربي بتشوفين شي مايعجبك وانتي معك الاطفال
قالت انا سكت وماني عارفه وش اسوي قالت كيف يعني مافهمته يمكن قصده بننفصل وتروحين عند اهلك ؟!
بس المشكله حتى اذا راحت عند اهلي بيقولون لها اصبري عليه هذا زوجك وصراحه مجتمعنا كلهم مريضين ، اذا راحت مثلاً عند اهلي محد بيتحملها بيقولون لها روحي عند زووجك ..
الله يفرجها ياااارب .

ايوه انا اذكره بولده دايم اقول له ترا الاب قدوه لابنائه ممكن يصير زيك على طول يقول اعوذ بالله لا ان شاءالله مايصير الا وابنه يحبه مره ومايبغاني اقول له انه ممكن يصير زيك يقول لاتتفاولين وربي بموت اذا كبر وصار يقابل عيال
يقول الله يصرف عنه عيال السوء
انا عيال السوء الي خربوني من المدرسه الله لايسامحهم وصرت مدمن اتابع هالاشياء بس والله ما اسوي بعد ماتزوجت مجرد متابعه فقط
اقول له حتى المتابعه العين تزني
يقول ادعي لي تكفين ان ربي يهديني لان ما ادري متى بموت يعني بس ماني ماسك عمري.. ابغى اتوب وما ارجع لهم مره ثانيه ..

بس @ياغلا النفس
الله يسعدك مافهمتك والله
اقول له سويه قدامي ايش هو الي يسويه قدامي ؟؟
مافهمتك والله 😁

ماهو خرابيط حب الله يسعدك
انتي مانتي عارفه، الوضع جداً صعب ومعقد وربي صعب اني انفصل عنه الضروف ماتسمح ابداً ادعوا لي 😭

اي والله صرنا نخاف من هالشي الله يتسر على عيالنا 😭
انا افكر اني اكلم مشايخ
بس اني اروح المحكمه مره صعب الوضع بينتشر عند جماعتنا حتى زوجي بيقول كان كلمتيني وبيقول انا خلاص تبت ماعاد صرت اقابل ، وهو ينحرج من هالشي الي كان يسويه ومايبغى احد يعرف ابداً .
الله يصلحه ويهديه 💔