الله يشرح صدر وويسر أمر كل من يدخل

السلام حبايبي. مادري من وين ابدا لا كن بختصر. من بعد ولادتي ببنتي الثانيه. تغير اشيااء فيني كثيره. اولا انا كنت وحدي بنفاس. بعدها بنتي تعبت جاها نزيف وهي عمرها شهر وقعدت نص شهر بالمستشفى. بعدها طلعت البيت ومانعيني الدكاتره اني اطلع عشان مناعتها وكل هذا عانيته وحدي وانا كان عمري ٢٥. مو هنا الموضوع. الموضوع ان جتني فجاه حاله غريبه. ماقدرت انام. جاني توتر وخوف فضيع هذا الكلام لما سافرت عند اهلي. بعد هاذي الحادثه تغيرت. صح الحمدلله. بعدها قدرت انام. بس صار الخوف ملازمني. صرت اشيل هم اي شي بسيط ماني زي قبل. احيان اقعد يوم ونص مواصله مايجيني النوم. عكس قبل يازيني ماكان احسن مني. نومي فجيبي. وماأشيل هم شي 😭 من اللي تمر عليها هالحالاات ودي ارجع زي قبل

11 تعليق 1,420 مشاهدة

شاركي في النقاش

سجلي الدخول لإضافة تعليق.

التعليقات

11
  1. @arghoan

    وكليّ أمرك لربك
    ماراح يصيبك شيء الا باذنه
    فأنتي أوكليها للي عينه ماتنام
    ترى هذا ابليس يلعب عليك ويوسوس
    انتي فقط تحتاجين تقوية ايمان وتجي بالدخول على المشايخ وترسيخ القضاء والقدر وعليك بالدعاء
    اي شيء تعجزين عنه الدعاء يحله لك
  2. @mlk_ansan_1

    وعليكم السلام


    الله يحفظ لك بنتك ويقر عينك بشوفتها ف أحسن حال


    بالنسبة لك طبيعي اي ظرف نمر له تأثير نفسي علينا


    بس كمان راجعي المستشفى وأكشفي أوقات نقص فيتامين B له نأثير قووي ع النفسية + فيتامين دال والقولون وجرثومة المعدة .. اكلمك من تجربة فقر الدم الحاد والقولون اثرت علي كثيير ولا زال نأثيرها من قلة النوم والأرق ناهيك عن الخمول وحتى اوقات كلمة ما تتحمليها ونفسيتك عدم
    روحي اكشفي يمكن تحتاجين فيتامينات


    ولا تنسين ذكر الله وأقري قرآن وبإذن الله ماعليك خلاف


    الله يشرح صدرك ويريح بالك

تابعي تجارب أخرى من هذا القسم.