توضيح
اليمين المتطرف يتظاهرون تحت حماية الشرطة والمسلمين كمان مسموح لهم يتظاهرون ضد المتطرفين اليمينيين ويرفعون شعارات السب والتنديد والاستهزاء ولا احد يتعرض لهم وايضا تحت حماية الشرطة وشفنا بأم أعيننا.
تواجد الشرطة امام ووراء كل مظاهرة مشهد مألوف جدا مو مخصوص عشان حماية اليمين المتطرف...اي مظاهرة تخرج تجي الشرطة عندنا لمنع حصول شغب او صدامات هذا الشي عاادي
بالنسبة لطلق النار والآذان هذا ماكان معروف للشرطة مسبقا، الشرطة ابلغت بالمظاهر فقط، لكنزهالحركة لا، حصل تنديد في وسائل التواصل من الجميع بمافيهم سكان البلد الأصليين والشرطة النمساوية بفيينا قدمت اعتذار رسمي على صفحتها بتويتر ووعدت بعدم تكرار ماسبق.
عدد المساجد في بعض المناطق هنا يكاد يكون ضعف عدد الكنائس والدولة تقدم دعم للكنائس والمساجد المرخصة ودور العبادة المرخصة لكل الطوائف الدينية.
في المدارس عندنا عدد حصص الاسلامية مثل المسيحية بالضبط والدولة تدفع رواتب مدرسين الدين لكل الطوائف، يوجد كمان حصص لتدريس اللغة الأم للطلبة من اصول مهاجرة وعلى نفقة الدولة ايضا.في المستشفيات الحكومية يوجد كنيسة ومسجد صغير للصلاة. يجي القس اوالشيخ ويدور على المرضى النفسيين
خصوصا ومرضى الأمراض الخطيرة حتى يدعمهم نفسيا ورواتب القس والشيخ من الدولة.
منع النقاب لأسباب أمنية بحتة ولما زاد ارتكاب الجرائم والمجرمين كانوا متخفيين وراء النقاب. من زمان ارتداء النقاب هنا وماحد تعرض لأحد الا بسبب الجرائم الفترة الأخيرة
القرار نزل ولازال صوري مافي وحدة تغرمت بسبب لبس النقاب . هذا وليس النقاب فقط اللي منع ايضا تغطية الوجه بالشال او خوذة الدراجة النارية وغيره وغيره من وسائل اخفاء الهوية، منع اخفاء الوجه بأي شي مو فقط النقاب.
في مجرمين مسلمين ماعندهم جنسية البلد و ارتكبوا جرائم اغتصاب قصر وسطو مسلح وغيره ولسه ماتم ترحيلهم ليه لأسباب انسانية بحتة! بعضهم لو شفتي كيف ينافخ على الشرطة وهو الغلطان ما تصدقين ولا يسوون له شي غير انساني يكلموه وبس.
يحصل على اعانة ومساعدة وانسانية دون تمييز او ارغام حتى من الكنيسة نفسها ما تنتظر من احد تغيير دينه عشان تقدم الدعم.
كل ما اقوله تحت نظري ومن عملي عرفت
اللي يجي بلاد الناس لازم يكون فرد صالح في المجتمع
واللي ماعجبه الوضع يمشي لبلده وانتهى
يبقون في بلادهم ويصلحوا من اوضاعهم ويرضون بنصيبهم .
في تضخيم اعلامي مبالغ فيه جدا لوضع المسلمين في النمسا..لو في تنكيل في اروبا ماكان ركبوا البحر وخاضوا مغامرة اشبه بالانتحار عشان يصلوا تضخيم اغلبه كذب في كذب!
لاتخلون عيالكم يسافرون برا
متابعة النقاش، صفحة 33