يا بنات احس اني متضايقه

السلام عليكم بنات .. ضاق خلقي على طيوري اللي ربيتهم .. شريت لي تقريبًا قبل سنة ونص جوز طيور 🐦 ملونة زرقاء يسمونها الطقطق .. صغار .. ربيتهم وأكلتهم واعتنيت فيهم ولازم اطلعهم والاعبهم كبروا وصاروا شرسين ما يرضون احد يلمسهم وكل ما جيت انظف القفص حقهم بس يشوفون يدي يعضوني ويطلعون الدم ☹️😞🥺.. قبل كم يوم وانا انظفهم واعدل قفصهم وانا مو منتبهه هجم على صبعي وعضه وطلع الدم .. قلت لزوجي عضاتهم تعور والصراحة زهقت منهم بس يعضون ويطلعون الدم ودي ابيعهم خلاص ..


جا اليوم جلست الصباح من النوم وشفت واحد منهم مات .. ما ادري شجاه .. حيل ضاق خلقي عليه والله مهما يكن تربيتي واحس بفقد كبير عليه .. والثاني نفسيته كللش دمار كأنه زعلان على شريكه .. خايفه يموت بعد حتى اهو 😞😞


هل يتأقلم لحاله ولا يحزنون الطيور على بعضهم .. خايفه عليه