انا حساسه او الموقف بايخ؟

بنات تكفون الموقف مضايقني من امس
مدري انا حساسه او حركة اختي بايخه
انا طيبه جدا جدا مع اختي
هي اصغر مني بعشر سنين
امس كان عندنا جمعة بنات
انا طبعا الكبيره دايم معتمدين علي بكل شي
جهزت القهوه وجهزت فعاليات
وطلبت حلى جاهز بس من حساب امي
يعني مو من حسابي
ورحنا الطلعه وجلسو البنات يسالون
من جايب هذا من مسوي الفعاليه هذي
سالو عن الحلى قالت اختي انها هي جايبته!!
وحذفتني انا ماقالت انا وأختي لا
قالت انا جايبته
انا اسكت مابغيت افشلها
لما جاء وقت
الفعاليات صارت اختي تمدحني
ان فلانه اختي هي جايبه القهوه الإيطالية
وجايبه فعاليه بطاطس وأختي فنانه وأختي تعرف تسوي كل شي
يعني مره مره
بالغت بالمدح
وانا ساكته
مادري هي قصدها بهالحركه ان اختي جابت
كل الفعاليات منها
وانا بس مني الحلى حست اني زعلت
انا طنشت صراحه مايتشاهل اننا نتهاوش
زي الأطفال عشان ليش قلتي انتي جبتيه
ولا قلتي انا
لكن الحركه قهرتني شوي بعدين فكرت
يمكن انها متفشله لان كلن قام يطلع اللي جايب
ويذكر اللي جايب
اللي قالت انا جبت فعاليه واللي قالت انا جبت
حلى واللي قالت فطاير واللي قالت علي العشاء
يمكن عشان كذا
انحرجت وشكلت لنفسها
لان اعرف هالناس فيهم شوي وقاحه
يعني لو ماقالت انها جايبه شي خاص فيها
بياكلونها ان ليش ماجبتي
بس اختي فيها نقطه
ان كل شي أسويه او مثلا أعزم وحده
تقط فيه معي 😅يعني ماتدفع ولا شي
وتسوي نفسها انها عازمه مثلي انا ابد
ماتضايق وبالعكس اختي ماعندها ادفع عنها
وأعطيها حتى لو مامعها وفكرت اعزم احد اقول انا وفلانه
عازمينك لكن
الي قهرني حركة انها الغت وجودي وقالت ان الحلى منها