يا عمري يا حبيبتي والله انا مو قصدي اتحارش وارجعي اقري كلامي ماقلت (لازم فحص) قلت يفضل بعددسن ٣٥ تنعمل وهذا مو كلامي هذا كلام نتايج الدراسات والبحوث العلمية.
اضايق لما معلومات غلط تنحط وتصر عليها صاحبتها انها الصح وتنسف كل البحوث العلمية والدراسات والتجارب ومن ضمنها تجربة العضوة قدامها بس عشان ( ما اقتنعت!!) وكمان حرام تجي وحدة معتمدة على الله ثم هنا كمصدر معلومات ونعطيها معلومات خطا...
عموما خلاصة الموضوع عشان محد يلخبط
هناك نوعين من الفحص الجيني
فحص جيني يكشف من ٣-٥ متلازمات ( سببها غير وراثي) وهذا اللي احنا نحكي عنه يا رحاب ..ياخذ يومين وتطلع نتيجته سعره حول ٩ الاف..
وفحص جيني وراثي وهذا اللي يكشف عن الامراض الوراثيه وامراض زواج الاقارب... ياخذ شهر لتطلع النتيجة وماعرف كم سعره..
الفحص الجيني مش مفتاح سحري لنجاح العملية فارادة الله فوق كل شيء ان شاء اعطى وان شاء منع.. هو فقط سبب لرفع نسبة النجاح وكمان مناسب للي ماتبغى تدخل في دوامة ارجاع اجنة مريضه او اجهاض او او او..
من تجربتي الشخصية عملت الفحص في التجارب الفاشله والتجربة الناجحة،، مرة من التجارب كل الاجنة كانت تعبانه فوقفت التجربه وما كملنا الارجاع لو ماعملت الفحص كان حيرجعولي اجنة غير سليمة فاختصرو عليا الطريق واكتشفنا الامر من بدري ووقفنا،، وبتجربة ثانيه رجعت اجنة سليمة وبرضه ماحملت عشان كذا بقولكم مش مفتاح سحري هي عمل بالاسباب مش اكثر زيها زي التحفيز والمحلول تحوير المناعي وابر السيولة ووو مجرد سبب بس سبب يبغاله ميزانيه لوحدها.
وسلامتكم..
التجمع ١٦٦ للمقبلات على الحقن المجهري واطفال الانابيب
متابعة النقاش، صفحة 157