فضفضه

السلام عليكم
انا قبل الحمل كنت اطفش كثير
و لما حملت تعبت نفسيا الى ان وصلت لأكتئاب حاد اخذت معاه ادويه للاكتئاب و بعد كم شهر من العلاج النفسي الحمدلله تحسنت تدريجي و صرت اهتم بالبيبي و الحين عمرها ٥ شهور و نص بس دخل بحياتي الروتين صرت اطفش منً جديد
يومي كله اول ما اصحى اصلي و اتروش و اغير لبنتي و اقعد قدام التلفزيون لين الليل اذا البيت احتاج له ترتيب رتبت و نظفت و بعدها ارجع اقعد على نفس الكنبه
و زوجي مشغول يشتغل شغلتين باليوم مرات يروح لأخوياه يسهر معاهم و ما اشوفه الا اخر اليوم ساعتين بالكثير
ما يتهم ما يسأل اذا كنت طفشانه او تحتاج اغير جو
و اذا قلت له ابي اطلع يقول لي توك السبت طالعه
اقول له طيب وديني لبيت أبوي يماطل و يوديني بعد يومين
و حتى لو رحت بيت أبوي امي ماهي موجوده منفصله عنه
بصير اقعد مع مرت ابوي مرت ابوي ما تقصر و بنت ناس
بس انا ابي امي احتاج امي
نرجع لزوجي وش اسوي معاه ابيه يقعد معاي يشاركني يومي
دايم يقولون الزواج حلو الزواج مشاركة و اهتمام و عايله
طيب وين العايله اذا واحد من افراد هالعائله ناقص
مليت من البيت مليت من الروتين و زوجي ما يرضى يطلعني واجد
مين مثلي و كيف اهون على نفسي تعبت نفسيا جدددد