👶🏻👧🏻🥰التجمع الاول لامهات مواليد سبتمبر وأكتوبر عام 2020👶🏻👧🏻🥰

الحمدلله همووسه انا بخير دامكم بخير 😘😘

الله يعينا 💓

ياكثر ادوية المغص ابوهم ماخلا دواء الا وجابه لهم ومانفع واقتنع انه مامنهم فايده ومااعطيهم شي اخاف عليهم معدتهم صغيره حبايبي
وينزعجون من طعم الدواء 😝😣😣 وتعابيرهم لحظه مايقطر لهم الدواء تضحك وتبكي 😂😭

بالنسبه لوضعي مع الدوره ....
من اسبوعين واكثر كان عندي افرازات صفرا ومويه وانتو بكرامه.. وتنزل بكثرة رحت للدكتوره هي اجنبيه كلمتها عن القطعه الي نزلت مني وعن كبرها قالت ليه انت مااجيت هذا مو طبيعي كان لازم انا اشوف🌚
المهم عملت سونار وقالت كلو تمام وقالت اسوي فحص تحت اسوف وش سبب الافرازات بكثره
انا حسبتها تسوف تسوف 🧐 كذا
الا والحرمه جايبه معها بوز البطه وانا اقولها لاااااا انا والده قيصري وش دخل ذااا عشان تفحصيني من تحت بيه 😭😭😭😭😭
وبقلبي اقول ولدوني مرة ثاني ولا تركب لي بوز البطه ذااا
المهم الحررمه تنظف وانا اصيح الا وهي تطلع خييط 😲 تقول هذا هو سبب الالتهابات عندك استغفر الله تعبت من تنظيفها وعطتني مضاد وتحاميل وغسول ومهدئ للالم ..
وكم يوم واختفت الافرازات الحمدلله🌚
بس امس نزل مني دم مدري وش هو ذا دوره او ايش بس مو بغزاره الدوره وينزل لليوم يعني شوويه مو كثير
ماعاد دريت متى وقتها وهل هذي دوره والا شنو ...
احس نفسي لسه ماطلعت من جو النفاس وباقي لي يومين واكمل شهرين الحمدلله


انسجمت وطولت القرقره 😅😅

هلوووو صبايا
ايش احوالكم ان شاء الله الكل بخير


سدرة من وين الخيط؟ الحمدلله على السلامة 🙁
انا وبنتي حاليا نحاول نخلي نومنا سوا صاير حل وحدة نظام ومتعب مرة اذا صحيت قبلي وتبغى احد معاها 😶
مابقي شي على الدوام غصبن عنه نومي بتعدل 💔

اهلين بالقلب ....الله يسلمك حياتي😘😘
الحمدلله بخير ...والله انجاز ماشاءالله انك تنظمي نومك مع البنوته سوا الله يكون بعونك مع الدوام ..
والله ماادري من وين الخيط هل هو من الخياطه تبع القيصريه والا من الربط والله ماادري ماعرفت اتفاهم معاها يالله انها خلصت تنظيف وانا اتوجع