تعبانه كسل غير طبيعي خفقان
ودي ابدا ادخل ملابس عيالي الصيفيه واحط في دواليبهم الشتويه بس متعيجزه..
على اني مشتركه مع عاملة حقت راحه بس جتني وحده نفسها شييينه ولا تبي توجيه سوت شغل العادي مواعين وكنست الشقه وطلعت ما تبيني اوجهها قمت حطيت لها تقييم سيء نجمتين فقط حتى الكوي ما كملته كوت ثوبين لزوجي والثالث ما كوته!
أكبر همها تمسيح الدواليب من برا ولا تبي اتكلم معها تزعل ترمي الفوطه اللي بيدها وهي زعلانه إذا ناديتها ابيها تسوي شغل مهم بالنسبة لي! تبي طول الوقت تمسح الرفوف والبلاط وبس قصدها بتسوي الشغل العادي وتمشي..
مشكله انا عندي أشياء مثلا ابيها تغير مكانها عندي شغل ناويه اخليها تساعدني عليه وهو تدخيل الصيفي تطليع الشتوي والله ما شجعتني من يوم دخلت شفتها مكشره ضاق صدري عاد انا مع نفسية الحمل مو ناقصه يجيني عامله مكشره وزعلانه 😥😭 على قولتهم الحلال حلال ابونا والقوم طردونا المشكله دافعه حق الزياره مبلغ.
يعني ماجبتها الا بفلوس بس الله يخلف.. بس الحق ينقال شغلها في التمسيح والكنس زين.. بس مره ما احب العامله اللي ما تستجيب للتوجيه طيب انا لي نظام.. معليش بس الله يخلف يا رب ماعاد يجيبونها.. حطيت لها تقييم سىء وحطيت عند هل ترغيب تثبيت العامله.. حطيت لا..
🍃🌷 التجمع ( ٤٦ ) لحوامل مواليد يناير & فبراير لعام ٢٠٢١ م 🌷🍃
متابعة النقاش، صفحة 194