التجمع 167 للمقبلات على الحقن المجهري واطفال الانابيب

الله يرزق كل محرومه وينجح عمليتها ويحفظ اجنتها ويرزقها ربي من خيره هو الكريم على عباده

بنات رحت لموعدي عشان اشوف ليه فحص الاجنه ماكان سليم .
قالت الدكتوره ان الفحص هذا احيانا يعطينا ان الاجنه غير طبيعيه بس بالحقيقه هي طبيعيه فا مانعتمد عليه . استغربت كلامها وهي وقت العمليه كانت تقولي بلاش تسوين الفحص ، كنت حاسه انها ماتبيني اسويه بس انا أصرّيت.
الحين قالت انصحك تاخذين فيتامينات q10 ودهيا لمده شهر وبعدها اسوي العمليه . وقالت ماراح اسوي لك فحص أجنه حرام ممكن تضيع عليك أجنه .

شكراً ام معاذ على التجمع ربي يجعله مليان بشارات من البنات
حمل وسماع نبض 💕💕💕

تقدرين بعد اذن الله تسوين فحص اجنه ويختارون لك اجنه ذكور
انا حملت بتؤم بنت وولد
والله يرزقنا اللي فيه الخيره لنا
اذا انتي تحملين طبيعي عادي كثير عدلو على نظام اكلهم وسوو برنامج ونجخ معهم لتحديد الجنس مدة ثلاث شهور النظام بعدين تحملين

والله حيرونا هالدكاتره 😂😂😂
كلن له هرجه
ان شاءالله خيره لك وان شاءالله تصير اجنتك ممتازه وما تحتاجين لها فحص
اهم شي اهتمي وافعلي كل سبب من احل بويضات سليمه ناضجه وحيوانات منويه ممتازه حتى لو طولتي بالوقت اهم شي النتيجه

شوفي ياقلبي انا ماادري انتي مرجعه مجمد او فرش لكن
انا هالمره طلبت اسوي فحص بعد فشل مرتين.
وطبعاً اجنة يوم خامس وقالت لي لانه تكون تكونت خلايا كثيرة من اجنة يوم ثالث وتكون اقوى وتستحمل التجميد
ولان فحص اجنة يوم ثالث وترجيع خامس يوم يضعف الجنين لان باقي ماتكون فيه الا ٨ خلايا وتفشل العمليه
( يمكن هذا قصدها) اذا ماعندك ضروره للفحص او فشل متكرر او تحديد جنس لا تفحصين
واولاً واخيرا مشيئة رب العالمين سبحانه اذا اراد ربي انها تكمل لو فحص يوم ثالث بتكمل