كانت أمي الله يرحمها على حق

@bnt_slyman_1

نصيحة للي يتضايقون من كلام أمهاتهم إذا جو عند أمهم
من سنوات أمي ساكنه في الرياض في بيت أخوي وأنا ساكنه في مدينة ثانية وكنت ازورها في الأعياد وتقريبا كل شهر ونصف او شهرين وانام عندهم ومعي عيالي .. وأمي الله يرحمها أكيد تنحرج في أخوي وزوجته وتقول لي بالتلميح فلانة تجلس عند اخوها وتقول أكيد يتضايقون منها ولو اسكتوا يعني مو بيت أبوها
وبعد وفاة أمي ماعاد زرتهم أخواني هم يجون عندي يسلمون ..ولا مرة قالوا تعالي عندنا زورينا وتذكرت كلام أمي

65 تعليق 13,967 مشاهدة

0 0

شاركي في النقاش

سجلي الدخول لإضافة تعليق.

التعليقات

64

  3. @mrasyl_alfrh

    الله يرحمها ويغفر لها
    الاغلب محد يبي أحد يحبون هم اللي يزورون بس ويتضايقون إن جاهم أحد هذا النظام السائد اللي صاير ,,

  4. @shnt_mkyag

    يارب ترحمها وتغفرلها وتعوضها بالجنه
    المفروض العيال يحطون لامهم بيت عن زوجاتهم كل وحده ببيت لحالها تأخذ راحتها فيه عالعموم تواصلي مع اخوانك لو اتصال

  5. @bryk_almash

    المفروض الام في بيتها ...الي هو بيت زوجها ابو عيالها اذا توفى
    ولي هو بيت الجميع...والكل يزورها
    حتى ماتحس الام بالمهانه اذا طلعت من بيتها ...ومثلكم عارفين زوجة الولد صبرها محدود لو مثلت جدام زوجها انها مرتاحه
    وحتى البنات اذا بيجون لامهم ياخذون راحتهم لأن بيت الاخو ماهو بيتهم
    الأم لها كرامه وكرامتها في بيتها تامر وتنهي وتستقبل الي تبي وترتاح مع بناتها وعيالهم ...هذي الأصول اذا تبون راحة الأم
    الله يرحم والدتك ياراعية الموضوع ويسكنها فسيح جناته

تابعي تجارب أخرى من هذا القسم.