اعاني من خوف الرفض بعد الشوفة

السلام عليكم
اتمنى الجميع بصحه وسلامه ..
امس كانت نظرتي الشرعية ولاول مره طبعا وافقت على الشاب شفت صورته ولانهم جيراننا من زمان وما ادري هل هو شايفني وتقدم ولا من اختيارات الحريم بينهم وبين بعض .. المهم الي عرفته قبل مايخبرروني هو استخار وبناء على استخارته كم يوم قال لاهله كلميهم .. وطبعا وافقت مبدئيا على اساس الشوفة بشوفه ..
يعني كنت حيييل مرتبكة ومتوتره ومو قادرة اتكلم اهله شافوني قالو ماشاءالله و من الحيا مو قادرة كنت بالبداية ابد اتكلم وطريقتي بالرد عفوية حييل.. بس كنت وايد مرتاحه بالقعده معاه ومع اهله وكان يسالني اسالة كلش عادية يعني هوايات .. وشنو تحبين وهالامور وانه يدوب ارد واساله مثل شي واضحك من الحيا واسكت ويرجع يسال وهكذا تقريبا ٢٠ دقيقة قعدنا بس ماحسيت فيهم. ولمن بيمشي قالي مع سلامة هو تقريبا كان رسمي معاي بالكلام بس يبتسم .
هو محترم وهادىء وخلوق مبين بس المشكله انه مو عارفة هو شنو حاس تجاهي واهلي لمن طلع قالولي ارتحتي قلت اي اخاف انه هو مو مرتاح لي واتفشل قدام اهلي لو ردو علي بالرفض .. خاصة اني عشت امور ضغط واحس نفسي ماراح اقدر اتحمل هالموقف لو صار معاي ..
وافكر لو انه مارتاح لي طيب شنو العبره من اني ارتاح له وبنهاية هو يرفضني مثلا؟ شعور متعب الصراحة واوقات افكر واقول المفروض كان يشوفني من الاول عدل والي اعرفه هو لامحني" و لمن اعجبه يتقدم لان مشاعر البنت صعبه وااايد لو انرفضت بعد ما انشافت ..