قريبتي الجميله لكن سوداويه😥🖤

السلام عليكم ورحمة الله
عندي قريبه كبيره في العمر في نهاية الخمسين
لكن ماشاء الله جميله جمال طفولي ومو باين العمر عليها اعطيها
في الثلاثين ماشاء الله
لدرجة دايم اذا حضرت جمعه مو حاضرتها هي يقولون نفس كلامي يمدحونها
المهم حضرت جمعه بسيطه ماكنا كثير واخذنا وعطينا في السوالف
بميانه
فلاحظت انها متأزمه من سنها انه مره كبير وانها صارت عجوز
وخلاص ماعاد تحط مكياج عيب!
فقلت لها ابغى اسعدها وفعلا حقيقه مو كذب
قلت ماشاء الله عليك مو مبين عليك انك في الخمسين
كأنك صغيره حلوه تجننين 😍
فهاجمتني قالت يعني ايش تقصدين اني كبيره في العمر!!😟
المهم قالتها بمزحه بس واضح تحسست
وانا احسب اني بعجبها !🙃
طبعا سبحان الله قريبتي هذي داااايم تنضر للجانب الفارغ من الكأس من حياتها
وتنضر لكل شئ جانبه السلبي وانه حياتها تعيسه رغم متوفر لها كل شئ وموظفه وعندها اولاد وبنات وزوج وكل شئ بس حزينه ومكتئبه وتشكي دايم من كل شئ
يعني اكبر مثال لاما قلت لها انك حلوه ومو مبين العمر عليك
نضرت بشكل سلبي للموضوع مع اني كنت اقصد مدح
ولو نضرت بشكل ايجابي كان بالعكس اسعدها هذا الشئ
فسبحان الله اكتشفت من خلالها ومن خلال السوالف معها
انه كل شخص فينا في حياته جانب سلبي وجانب ايجابي
نفس كأس الماء الممتلئ للنص
اذا نضرتي للفارغ راح تحزنين وتشوفين حياتك عذاب
واذا نضرتي وركزتي على الجانب الممتلئ من الكأس راح تقلب حياتك
جنه وتكونين راضيه وسعيده جدا