مرحبًا بنات
نصيحه نصيحه الا الشماتة شفت موقف قبل فتره😭
يمكن تقدرون تقولون اشد موقف حقيقي
شفته ويخليني اخذ حذري من الشماته
الدنيا دارت عليها نفس ماكانت تقول وتسوي😭
شي غريب اللي صار
قبل كم سنه يمكن ٤سنين
لي قريبه وكان عندها بالسناب وحده من قرايب
امها علاقتها فيها شوي رسميه
تقول قريبتي كانت كل شوي تصور بنت اختها
بكل الوقت
بالليل والنهار والفجر وأصبح
وهي خالته تأكلها وتشربها
وتطلعها وتشتري لها
وكل شي وتصور بالسناب
المهم قريبتي ذي بس كانت تتمسخر بالطفله
تقول بس مرميه عند خالتها
ماكان لها اهل ماكان لها ابو ولا ام
ماكان عندها بيت
مدري وين ابوها وأمها يوم جايبينها وترميمها
كذا
كانت بس تعلق على الطفله وامها
عند الاقارب
اللي مره معهم
اخر شي اكتشفنا بصدفه ان الام منفصله والبنت ماكملت سنه ونص 😓
والبنت وامها عايشين ببيت جدهم
المهم مرت على السالفه كم سنه وتتزوج قريبتي هذي
وتجيها بنت
والله ثم والله يابنات انها جابت بنت وبنفس عمر بنت قريبتها
اللي كانت تتشمت فيها تطلقت
وصارت هي وبنتها ببيت ابوها وصار اخو قريبتي
بس يصور بنت اخته يشفق عليها يقول اخوي
كل شوي يصورها وهو يطلعها ويلعبها ويشتري
لها لان البنت طفله ماتعرف وش ابو وش اخو
وآخر قريبتي. صار لها زي الخاله اللي كانت قريبتي
تتمسخر عليه وتقول ماكان لها ابو وام
لدرجه وحده من قريباتي قالت لي اليوم تتذكرون فلانه
وشلون كانت تتشمت لفلانه وبنتها !!
صارت نفس القصة بالضبط معها مافي اختلاف اصلا

الا من اتى الله بقلب سليم🍃

إلا أن تتخطّاه

إلا سنة الفجر

إسوارة أبوي و الا الغوايش ؟

العيد ماباقي الا ايام