امي بس تبكي
مرحبا بنات ، امي انسانه طيبه وصبوره جدا ومتأذيه كثير من ابويا واهله المهم فالفتره الاخيره تبكي كثير وبدون سبب فجاءه ادخل المطبخ القاها تبكي اسألها تقول طفشانه بس ، امس فالسوبر ماركت نشتري اغراض انا وهي واخويا وفجاءه اطالع القاها تبكي وتداري وجهها عشان لانشوفها ، فالسياره كثير تبكي وتنزل الطرحه على النقاب عشان لانلاحظ ، دايما اسألها احاول اعرف السبب بس مو راضيه تتكلم ، وصار لها فتره تدور وظيفه بكل مكان واي وظيفه تقول حتى لو الراتب ٥٠٠ عادي ، ابويا جدا سئ معاها فالمعامله كاسر كلمتها قدامنا وقدام اهله والرأي الاول والاخير لجدتي وعماتي مع انه ساكنين في شقه لحالنا بنفس العماره ، شورو علي قلبي يتقطع عليها