شاركي في النقاش

سجلي الدخول لإضافة تعليق.

التعليقات

27
  1. @lyan_15

    صاحبة الموضوع
    مشكورين جميعا والله انكم زي خواتي واكثر ...
    وقوت القلوب الله يساعد اخوكي ويرزق اخوي يارب........
  2. السلام عليكم ورحمة الله وبركاته اختي الغلية ليان انا سمعت ان الحلبة زينة وايد للكحة وعندك بعد المرة خليها تشرب منقوع المرة وتتبخر فيها انا سمعت انها وايد مفيدة لحالات الكحة والبرد عموما بحكم انها مضاد حيوي طبيعي . وفيه وحدة روسية نصحتني مرة للحكة باستعمال بصل مقطع شرايح وتحطين عليه شوية عسل في وعاء مغلق بعد فترة راح تلقين الماي نازل من البصل هالماي هذا يشربه اللي فيه كحة ويصير أحسن ايضا لأن البصل متروس مضادات حيوية طبيعية. ونصيحتي لك تلبسينها ثقيل وتبعدينها عن تيارات الهوا الباردة وخففي من تغير درجاتا لحرارة يعني مو تخلينها قاعدة بدرجات عالية جدا مثل الفرن وبعدين تطلعينها بره ترى جذيه خطر على صحتها يعني خلي الجو معتدل الحرارة داخل البيت وتدفي نفسها وهي طالعة عشان ما تحس بفارق كبير في درجات الحرارة . شربيها عسل طبيعي مخلوط بشوية حبة سودا وجربي معاها زيت الزيتون ترى يلين الكحة. اذا فيها بلغم استمعلي لها طارد البلغم شراب او تحاميل ونصيحتي لك تاخذينها للطبيب يشوف حالتها يمكن فيها التهاب بالصدر وهو اللي يهيج عليها الكحة خليه يفحصها عدل واكيد بيعطيك ادوية ممكن تستعلينها مع العلاجات المنزلية اللي قلتلك عليها لأن هالعلاجات ما تغني عن الطبيب.

    انا قعدت خمس شهور اكح كحة جايدة لدرجة اني ماكنت انام وكنت ابول على نفسي أعزكم الله من شدة الكحة رحت لكذا دكتور وجربت وايد ادوية اشكال والوان في الاخر سوولي أشعة وطلع عندي التهاب يالصدر (بالرئة) وبعد مدة من العلاج اتحسنت شوية ورجعت الكحة بعد فترة ورجعت اعاني كررت الأشعة لقوا لصدر نظف تماما من ا لالتهاب ولله الحمد فقالي الطبيب اخر حل اني اعطيك ادوية لحساسية الصدر والجيوب الأنفية ولو ما نفعت روحي لدكتور متخصص بالجيوب الأنفية لأن التهاب الجيوب ممكن يسبب الحالة اللي عندك وممكن فيه صديد قاعد ينوزل من ا لأذن ويسبب لي الكحة المهم من بعد هالأدوية صرت زينة وطبت ولله والحمد فالظاهر ان عندي حساسية بالصدر او الجيوب ملتهبة وناوية اروح لكتور متخصص في الجيوب الأنفية عشان اعرف شالسالفة وأتفادى حصولها مرة ثانية.

    اسفة لو كنت كثرت عليك بالكلام بس حبيت ابين لك ان احيانا يظن الواحد ان فيه مرض معين ويطلع له شي ثاني واحيانا يستخف بالكحة وتتطور لأمور اخطر فوديها للطبيب وان شاء الله تتطمنين على صحتها ويكون مجرد عارض بسيط اللهم آمين.
  3. السلام عليكم ورحمة الله وبركاته
    اختي في شئ انا سويته لما كان عندي بلغم شديد والحمد لله تعافيت ، يمكن ينفع حق الكحه كمان .
    خلي بنتك تتبخر بالحبة السودة ترة واااااااااااييييييييييييييد مفيدة وعن تجربة ان شاء الله علاج لكل مشاكل الجهاز التنفسي .
    وبعد اختي بالنسبة للي كتبته قبل يمكن تضعين زيت زيتون بدل الفكس لان البعض يقول الفكس موزين للرضع.
    الله يشفي بنتك (ترى انا في الطفولة عانيت كثييييييييير من الكحة وما بقى دكتور ما رحت له) بس اعتقد كان السبب اني كنت اربي قطط والعب معاها وايد وعلى طول كانت القطة تجلس على كتفي وتنام معي،بس الحين الحمد لله انا بخير.
  4. @am_hboby

    نسيت حاجه مهمة جدا جدا..

    انك ماتقربينها للعطور والبخور والكريمات المعطرة,,<<<< صعبة شوي بس معليش تحملي عشان بنتك
    واذا كنت تستخدمين كومفرت لملابسها اقطعيه فتره أو خفّفيه مرررره..

    وانتبهي انتبهي أول ماتبلل ملابسها أو شرابها على طووووووووووووول غيري لها

    وقللي تحميمها.. واذا طلعتيها من الحمام لفيها مزبوط بمنشفه كبيره عشان ماتتعرض اللهواء البارد

    طبقي اللي قلت لك عليه وباذن الله وبقدرة قادر تشوفينها متحسنه

    وياليت تقللين استخدام المضادات _ ياقلبي عليها صغيره على المضادات

    اتمنى لبنتك الشفاء...

تابعي تجارب أخرى من هذا القسم.