تباشير السعادة 16 لمواليد نوڤمبر وديسمبر 11-12 لعام 2020

صباح التباشير الجميله حبيباتي الف مبروك للي ولدت وقرة عينكم بشوفة ظناكم الحمدلله ♥️♥️♥️
حبيت امر عليكم واسلم 🤗 يارب اكونوا جميعاً طيبين

هلا بنات اكشني ..
طبعا يوم الاربعاء كان عندي موعد اتذكر جيت وقلتلكم انه كل شي زين حمدلله .. فحصتني الدكتوره بالموعد و حطمتني قالت بس واحد فاتح وانه بعيد وسميك تبين اسوي تحريض يمكن يساعدك قلت طيب و هي تسوي تحريض ماقدرت مره قالت سويت اللي اقدر عليه لانه بعيد حتى عورتني مره قالت اصبري للاسبوع الجاي نشوف وضعك و نقرر طلعت مستبعده الولاده مره سبحان الله
من طلعت من عندها كنت احس بالالم زي العاده بس ذا المره تقريبا شبه استمرت معي لين قبل النوم بس خفيفه و مازادت قلت ينام شكله بعد التحريض و انا نايمه الساعه ٤ حسيت شي ينزل مني فزيت ركض للحمام و اول مادخلت فجاه صرت كاني في بركه سبحان الله شي يفجع ركض رحت للمستشفى

و حطولي تخطيط قالت فيه طلق خفيف قلت انا من دخلت التاسع طلقي خفيف فحصتني قالت مره توك فاتح ١ ونص بنصبر عليك ٤ ساعات اذا مازاد بنحط صناعي لانه المويه نزلت كلها تقريبا قلت طيب فعلا الساعه ٨ فحصتني و حمدلله لقته ٣ بس بعد حطمتني قالت سميك وبعيد مو وضع ولاده بعطيك فرصه بس ساعتين و نزيدك صناعي طلقك مره بارد الساعه ١٠ قاسته قالت حتى ٣ ماوصل يلا حطولها صناعي و قلت ابي اجل ابرة ظهر دام صناعي و بنص ساع بس ركبوا الابره و الطلق لانهم مايبون يتاخرون على البيبي توهم مركبينه الساعه ١١ دخلوا علي فجعوني الدكتوره ومعها تيم كامل و يخرشوني واللي تقومني ويغيرون وضعيتي و يرجون بطني و الدكتوره شوي و تصيح و ابدا اصيح انا قلت ماتت بنتي ماقدرت ولا اسال و فصلوا الاجهزه يلا عمليه فجاه رجع النبض يارب لك حمد وقالت الدكتوره فكو الصناعي البيبي مايتحمل طلق زياده و بعطيك ساعه وحده اذا مازاد ظلقك ولا فتح رحمك عمليه فعلا لما حطوا صناعي بدت الطلقات تنتظم وتصير قويه بس فكوه تخيلوا بنات مافيه طلق ابد قالت اول مااحس لو ينزل نبض البيبي شوي بدخلك عمليه مراح اشاور جلست من ١١ لين ١ ونص فجاه دخلوا علي كلهم مره ثانيه قالت الدكتورة بدا ينزل نبض البيبي فحصتني قالت انتي مره مطول صار ٤ بس البيبي مره تعبان يلا عمليات فجاه لقيت نفسي في غرفه العمليات مو مستوعبه ابد يمكن على ٢ ولدت وانا طايره بوهتي
لكن حمدلله على الخلاص و الحمدلله اللي جعل له مخرج صدق القيصري رحمه حمدلله على كل حال

طبعا العملية زادوا على ابرة الظهر المخدر و كنت احس اني بحس
نشبت بدكتورة التخدير اكيد مااحس قالت مستحيل بس بتحسين بحركاتهم وفعلا كل الحركات و الضغط و سحب البيبي و التخييط كله احس فيه سبحان الله بس اكيد من دون امل حاولت الهي نفسي و ماافكر فيهم و ماطولت حمدلله

الحمدلله حمدا كثيرا طيبا مباركا فيه
ابشركم بنات ولدت امس العصر 💗