هل تشفونه شيء طبيعي

السلام عليكم ورحمة الله وبركاته مساء النور على الجميع


عندي استفسار وشيء يضيق خاطري واخاف اني مكبرة الموضوع


وهو اني احس ان زوجي يفرح اذا انا عند اهلي واتذكر انه قال لي مرة وسبق اني وضحت في وموضوع سابق قال لا تبنين سعادتك على احد وابسطي نفسك بنفسك ولا تخافين علي وانا اقدر اعيش بك وبدونك وانتي كذلك وقتها لاحظت انه زي ماقلتكم يفرح اذا رحت لاهلي لا يحب اني اسأله وين هو وغيرها من الاشياء




واذا كنت عند اهلي ما يرسل ولا يكلم الا اذا ارسلت له رد لي سؤال وجاوب وبعدها ما يرسل شيء فهل هذا شيء طبيعي والا انا موسوسه

22 تعليق 4,738 مشاهدة

شاركي في النقاش

سجلي الدخول لإضافة تعليق.

التعليقات

21
  1. @mro_alsanaa

    فعلا الحياة بتمشي مهما كان ما انقص من قدرك ابد لا والله
    بس انتي خذيها من هالناحية ان حتى انتي حياتك بتمشي به او بدونه
    طبعا لا تقولين له هالشي بالعلن لاء
    بس هذا حال الدنيا بنعيش فيها حتى لو وضعنا مو عاجبنا
  2. @alhoaoyh505

    صاحبة الموضوع
    مروة الصانع
    فعلا الحياة بتمشي مهما كان ما انقص من قدرك ابد لا والله بس انتي خذيها من هالناحية ان حتى انتي حياتك بتمشي به او بدونه طبعا لا تقولين له هالشي بالعلن لاء بس هذا حال الدنيا بنعيش فيها حتى لو وضعنا مو عاجبنا
    كلامك صح الحياة ماشية بس الصراحة بعض الاحيان احس وجوده ضروري ولا يمكن استغني عنه وهالشيء ماهو بيدي
  3. @noor124

    احسك تفكرين فيه معتبرته مثل اللغز لان سنتين لسا بدري تفهمون بعض
    بس اغلب الرجال اذا شافك ساحبه عليه ومو مهتمه فيه
    هو بنفسه بيرجع مثلا يسوي مشكله على شيء تافه لانه ملاحظ انك مو مهتمه فيه
    او للبيت
    يعني شيء ما يسوى
    يبي يقول انا موجود اهتمي فيني
    هذا دليل محبته لك وانه الاهمال يتعبه
    فلاتصدقين اي كلمه يقولها شوفي افعاله لان باين انه مكابر بس من داخله يخاف يخسر اهتمامك
    ربي يصلح ما بينكم ويسخركم لبعض
  4. @alhoaoyh505

    صاحبة الموضوع
    نور
    احسك تفكرين فيه معتبرته مثل اللغز لان سنتين لسا بدري تفهمون بعض بس اغلب الرجال اذا شافك ساحبه عليه ومو مهتمه فيه هو بنفسه بيرجع مثلا يسوي مشكله على شيء تافه لانه ملاحظ انك مو مهتمه فيه او للبيت يعني شيء ما يسوى يبي يقول انا موجود اهتمي…
    اتمنى يكون كلامك صح بس الي اشوفه حتى وقت الزعل بيني وبينه وجهه مبسوط واذا انا غايبه عنه اشوف في مقاطع جوال اخواته انه مبسوط ومستانس اذا طلعوا مثلاً ولا هو واضح عليه التغلي والمكابره

تابعي تجارب أخرى من هذا القسم.