الحقوني طحت في مشكله صعبه

بنات الله يسعدكم ويبشركم بالجنه الحقوني تكفون انا الحين دخلت بشركه اسمها المحفظه حقت تداول وبعدين قررت انسحب وما اكمل انا لسى ما سجلت غير اسمي ورقمي بس ويقعدون يتصلون فيني اقول لهذا لا ما ابغى يجيني رقم ثاني يتصل واتصالات من كل انحاء الاعالم السعوديه والامارات امريكا بريطانيا وارقام ما اعرفها الحين واحد قال لي زوجك يطلقكي قريب ايش اسوي انتم تعرفونها هل هي موثوق فيها ولا لا وايش اسوي ساعدوني تكفون

18 تعليق 3,613 مشاهدة

شاركي في النقاش

سجلي الدخول لإضافة تعليق.

التعليقات

16
  1. صاحبة الموضوع

    المشاركة المقتبسة غير متاحة.

    اخاف يكون صادق ويهكر رقمي ويوصل لصوري ويرسلها على زوجي ويخرب بيتي واطلق وعيالي ايش يصير فيهم
  2. لا تردين عليهم ابداً عطيهم حظر
    وروابط لا تفتحينها ابداً لا واتس ولا رسايل نصيه ولا في الايميل اذا سجلتي ايميلك.. ومواقع مشبوهه لاتدخلينها
    وشركة التداول كذب ونصب واحتيال الحمدلله تراجعتي..
  3. @aaoatf_trky_2

    ماعليك منهم
    كل ما اتصل عليك رقم مو مسجل عندك احظريه بدون لا تردين عليه
    وخليك في السليم وعلى البر من البدايه صارحي زوجك بخصوص اللي صار عشان يكون مستوعب ومتفهم لو لا قدر الله كانو هكر مع اني استبعد سالفة التهكير
    يعني قولي لزوجك بإختصار شديد انك كنتي تجربين تكتشفين موقع التداول من باب الفضول وسجلتي برقمك وصارت تجيك اتصالات مع انك ما اشتركتي بشي ولا لك نيه تحولين لهم فلوس وصدقيني بيكون رد زوجك يشبه كلامنا احظريهم وطنشيهم
    واستغرب اننا بسنة 2020 ولسه باقي ناس تصدق اعلانات التداول مع انه حتى الجهات الرسميه في البلد ارسلت مسجات فيها تحذير من التجاوب مع حقين التداول لانهم نصابين بكل بساطه
    وترى صار لي شي يشبه اللي صار معك ازعاج اتصالات واللي يتصل واحد لهجته من دوله عربيه والثاني من دوله ثانيه عربيه ماودي احددها عشان ماتصير حرب هنا
    كان لما يتصل ينشب ويبي يسترسل ويشرح وانا اقاطعه اعتذر منه اني ما ابي عرضهم واني ماني مهتمه بالتداول ولا لي نيه ادخل فيه
    ترى بعضهم يحاول بإستماته انه يقنعك ويشرح لك بالغصب حتى اذا قفلتي بوجهه يرجع يدق لان هذي وظيفته لازم يغريك ويكسبك كعميل يستفيد منه مادياً ومايهمه انتي تخسرين او تفلسين
  4. @aabyr_alghny1

    يالله ذكرتيني بصندوقي الاسود 🙊
    ايام الجامعه اشتركت وحطيت رقمي .... 🤮🤮🤮ي كمية ازعاااااااااااااااج وكنت اتناقش معهم واكذبهم 😂🙊
    ومرات افتح الخط واروح اصلي ولا اسوي لي اكل 🙉✅
    لين هم طفشوا مني ..
    كل دوله اتصلت علي وكلهم نفس الكلام .. يبون احول لهم 1000عشان ابدا تداول ويصير عندي خلال اسبوع ٥ الاف او اكثر 🙊😂

تابعي تجارب أخرى من هذا القسم.