التجمع ١٦٩ للمقبلات على الحقن المجهري واطفال الانابيب

اي بعد العمليه كثير يجي التهاب
حاولي تكثرين المويه واشربي شراب الشعير سويه زي القهوه بالضبط واشربيه طوال اليوم
ماعليك فتره بسيطه ويروح
انت عطوك مضاد بعد عملية السحب ؟

الحمدلله تجاربي معه زينه وهو مريح وما يكبر الامر وهادي
اللي ما يعجبني فيه ما يحب الادويه الكثيره يعني مثلاً اقوله ابي ابر سيوله يقول ما تحتاجين ابي ابر مثبته ماله داعي كذا اصير انا بحيره مدري صح كذا والا لا
بحملي الاول عطاني فقط دفستون والحمدلله جبت بنتي
بحملي الثاني عطاني تحاميل وابر مثبته وجبت التؤم
وحملي الثالث انا قلتله ابغى ابر مثبته وقال مالها داعي وانا خليته يصرفه والحمدلله على كل حال وقف نبض الجنين
بالاسبوع التاسع وبعدها سويت وقالتله ابي ابر سيوله وقال ما تحتاجين يكفي الاسبرين وانا اصريت وما كتب الله الحمل
وهذاي تجاربي مع الدكتور حمد
ويهتم مرره لتحليل الزوج يقول ما اسوي العمليه وهو تحليله ضعيف اجل عمليتي ثلاث شهور لين شاف التحليل زين
بالترجيع يمسك راسي ويقرا اية الكرسي ويدعي لي واحس الحمدلله بالامان ويتكلم وهو يدخل الاجنه يعني يبعد الرهبه شوي والخوف
بالاول والاخير هو توفيق من الله وتسخير
والوحده لازم تستخير الله قبل تبدا باي خطوه وتسأل الله انه يدله على الدكتور اللي فيه خيره وبركه لها

لا مو مرره الزحمه
يعني يبي على ما ادخل عليه ساعه الا ربع من بعد الاشعه هذا اذا كنت ابدخل عليه هو
اما اذا كلامي مع المنسقه بس سهل الحمدلله ومافيه تأخير

صحيح الترجيع لليوم الثالث افضل مكان للجنين هو الرحم

لانو ممكن يتوقف في اليوم الخامس ولو رجعوه في اليوم التالت كان صلح نفسو وكمل الإنقسام بالرحم

هم ينتظرون لليوم الخامس فقط الي عندهم اجنة كتير

الله يرزقك الذريه الصالحه يارب
وان شاءالله تبشريننا بحملك قريب بإذن الله
حاولي قد ما تقدرين تلهين نفسك وافرحي باللي حولك واضحكي
حاولي تشوفين شغله تاخذ من وقتك ولا تجلسين كذا للتفكير الشيطان حريص على ضيقة الصدر لنا ❤️❤️