السلام عليكم بنات
ان شااء الله تكونو بخير دوبي خلصت قراية الصفحات كلها والتجمع اللي قبل هذا بعد
انا كنت معاكم قبل بس تركت المنتدى مع الوحم واللحين الحمدلله خف علي اقدر آكل بس بعد الأكل أظل متنكده من معدتي يعني بقايا الوحم الله يسهلها ..
سويت سونار في الاسبوع 11و6 أيام وما شاء الله الدكتوره على طول قالت لي انه احتمال كبير ولد بس قالت مو متأكده بصراحه ماني مصدقه احس لسى صغير وما اعرف اذا هي شاطره ولا لا اول مره ادخل عليها احس لسى صغير يدوب 7 سم ونص مع ان بولدي البكر قالو لي بعد في 12 بس يمكن عشان نفسي في بنت ماني مصدقه 🙄
طبعا الحمدلله كلهم نعمه الله يبلغنا شوفتهم بصحه وعافيه
وقالت لي عندي تجمع دموي وعطتني مثبت وقالت لي ارتاح بيني وبينكم أول الايام ما كنت ارتاح يعني ما صدقت اخلص وحم ابغى انظف وانزل ثياب الشتا وارفع ثياب الصيف بس بعدين بحثت عنه في النت واغلب الحريم قالو الراحه مهمه فصرت ما اسوي الا شي خفيف واقعد عشان يروح
صدق يا بنات اللي معاكم تجمع دموي لازم نكون مريحين طول الوقت ؟
التجمع (12) لمواليد مايــ5ــو يونيــ6ــو 2021 🤰🏻✨
متابعة النقاش، صفحة 33
