بنتي تنمغص من الطعام

بنتي عمرها تسعه اشهر لحد الان ما تكدر تاكل اي اكله من عمرها ست اشهر كنت اعطيها مية الرز المسلوق وكنت الاحظ انها تنمغص وتبكي بكاء شديد وتترك الرضاعه تبقى حاسه بشبع يوم كامل ورافضه كلشي كانها عدها عسر هضم واي اكله اعطيها يطلع فيها حبوب بوجها وكفوف ايدها بعد اي اكله وايضا تبدي بصراخ والبكاء وتصوم عن الحليب وعن اي شي فقط تبقه ممه واحده في اليوم وف اليل واحده وبكل الطرق احاول حتى ترجع للحليب وبعد اسبوع اذا اقطع عنها الطعام ترجع ترضع طبيعي وصحتها زينه وديتها على اكثر من دكتور الي يكول بنتج ما تحب الاكل وهيه لمن اوكلها تمد راسها للملعقه وتاكل كل الصحن وبعد ساعتين يبدأ البكاء والصراخ والصوم ولو اعطيها بطرف الملعقه من اي اكله تطلع عدها نفس الاعراض عملت تحليل تحسس من الاطعه وطلعت ٢٤ اكله نسبتها واحد يعني تحسس خفيف بس موجود واعراضه هم مثل نسبته يعني حبوب ومغص وبكاء بس بقية الطعام الي نسبته صفر وما موجود تحسس نفس الاعراض تطلع عدها امانة الله اي وحده ماره بهيج حاله او اقاربها تساعدني دموعي نشفت عليها لان الطفل لازم ياكل واني اجتني بنتي بعد انتظار ١٣ سنه ارجو الرد