التجمع (12) لمواليد مايــ5ــو يونيــ6ــو 2021 🤰🏻✨

موجوده يا شموستي 🌚 الحين بتجتمعون ؟

بنات خلونا نتكلم عن نفسنا شوي يعني حياتنا و اطفالنا اذا سبق لكم الانجاب و اللي بكريه شنو مفهومها عن الامومه والاطفال و شنو مخاوفها / انا عمري 25 سنه وعندي طفلين و موظفه اول طفل جبته كنت اداوم في الجامعه و تعب وكنت خايفه اوفق بين الدراسه وبين البيت و طفلي و لكن مع التشجيع قدرت واحس تعودت على المسؤوليه و ان وقتي يكون مليان و بعدها جبت بنتي اخر سنه من دراستي و حمسوني خواتي اذكر كانوا يختبرون بدالي كل وحده تمسك ماده 😂 و الحمدلله على كل حال اجهضت 3 مرات قبل هالحمل و كنت خايفه لان بطانة الرحم صارت ضعيفه من الاجهاض والكيماوي اللي خذيته و الحمدلله قعدت اربع شهور اعالج نفسي بنفسي لين حملت و صرت اتابع مع ناس كثير لين حملوا لقيت نفسي في هالمجال الطب الشعبي وهالكلام بس على خفيف وبس 🌚

انا كمان عمري ٢٥ و عندي بنتين وولد تزوجت عمري ١٦ درست الى اول ثانوي بس تزوجت و تغربت
اول طفلة تعبت في تربيتها كثير لاني كنت بغربة و ما اعرف شيئ عن الامومة
بعدين جبت بنتي الثانية في بلدي و سافرت للسعودية و اجهضت اربع مرات الاطباء ما عرفوا سبب الاجهاض و عالجت نفسي بالطب العربي و لحين لقيتني اعرف اشيياء كثيرة و اتعالج غالبا بيه و ما الجأ للكيماوي ابدا
حملت بابني و الحمد لله جبته و ماكنت افكر بالحمل بعده لاني اتعب كثير و انا بغربة لحالي
و لكن قدر الله و حملت بالرابع و انا فرحانة الحمد لله

يا عمري الحمد لله مرحله و عدت ، الله يكمل عليك حملك يا رب

اما انا بصراحة ما قدرت اكمل دراستي ، يعني خريجة ثانوي انقبلت جامعة بس صارت ظروف و سحبت ملفي ، و بعدها جبت بنتي و ما قدرت ادخل الجامعة مره ثانية كان زوجي رافض فكرة اني اوديها حضانة و امي الله يحفظها مُعلمة و كنت البكر ، و اختي بعد تدرس فاخترت اني ما اكمل رغم حبي للدراسة و الى الان ودي اكمل لكن الحمد لله ما في نصيب صرت الحين ادرس مع بنتي 😂
و حملت عليها بعد سنة و شهر رغم اني امنع بس الحمد لله ، حسيت بالبداية فقط تعبت ، بس اذا شفتهم كيف مع بعض و يفهمون بعض ارتاح ، و اخترت ابقى اربع سنوات ع شان ارتاح بالحمل و الحين الحمد لله حامل بس صارت لي مشاكل انفصال و تجمع دموي بالمشيمة اللهم لك الحمد رغم ببناتي ما صارت لي اي مشاكل ، و الى الان حملي مجهول يعني ما اعرف بيكمل او لا ، الله يكتب اللي فيه الخير و بس

و احس حلو انك تعلمتي اشياء بالذات عن الطب الشعبي خصوصا اغلبهم صاروا مره ما يحبوه مع ان في اشياء كثيره تعالج بالطب الشعبي ما شاء الله ، و الحمد لله ربي عوضك خير يا قلبي ❤️

انت سعودية ام يزيد ؟