التجمع الـ (٢٦) لأمهات مواليد شهر مـارس وأبريــل2021 🤰🏻👶🏻

السلام عليكم احباب قلبي
بشروا عنكم عساكم بخير
ﺎلحمدللہ خلصت اختبار مادتي ورصدت بس باقي لنا هالفاقد
المهم ابشركم انا بخير ونعمه
رحت موعدي المشيمه 2ونص عن عنق الرحم
عطتوني ابره الرئه تحسب لاي نزيف لاسمح الله
اخذت جرعه
وباقي جرعه
بكره باذن الله ادخل الاسبوع 31
ﺎلحمدللہ الامور مستقره الى الان
الله يتمم لي ولكن على خير
وللحين ماقضيت شي كنت بشوف موعدي اذا ارتفعت المشيمه بروح للسوق لكن على كذا مالي الا اون لاين باذن الله

لا مو وقت تعب 😭

الله يعظم أجرك على هالتعب
ورى ماطلبتي إبرة ظهر وريحتي عمرك
حسب زوجك انتي ابخص بشخصيتة
انا عشان امي كبيره بالسن وتعبانه
وخواتي صغار
والكبار بعيدات وولادتي في وقت دراسه
قرر زوجي اخيراً يروح معي ويارب يصمل مايهون 😩
وعندي بنت اختي دكتوره بالولادة والاطفال حق بريدة تقول يمكن افزع لك واجي للحبيب اذا خلصت عاد انا ابيها هي اقلها تطمني وش يحوسون فيني وش يسوون مابي اكون على عماي

اكشن والله انتي مثلي مع نفسي بدون صوت لين خلاص اخر شي اطلع كل اللي بقلبي اقعد ابكي بدون صراخ بس بكاء كذا كأني بزر يارب ساعه الفرج لي ولكن

الحمد لله انها ارتفعت ولو شي بسيط
انتي خليك مرتاحه والتحهيز اون لاين خذي الضروريات
بعد شهر يمدي تطلعين نره او مرتين تجهزين الباقي

ماشاء الله خلصتي موادك
انا باقي ولا ماده 😩 ياكبره من هم مدري متى بخلص وارصد واقفل هالمنصه