التجمع الـ (٢٦) لأمهات مواليد شهر مـارس وأبريــل2021 🤰🏻👶🏻

مساء الخميس الونيس
كيف حالكم جميعاً
مبروك للي عطلوا وانتهوا وعقبال البقيه


عوداً حميداً فلذاتي افتقدناك مرررره❤️
الحمد لله دامك بخير وبالنسبه للمويات انا نفس وضعك تنزل علي مويات تسيح على الفخذ بس مو يومياً
رحت لأكثر من دكتوره كلهم قالوا دام الرحم مقفل ونسبة المويه مازالت طبيعيه إن شاء الله مافيه خطوره بس عوضي المويه الي تنزل اشربي كميات مويه عشان ماينقص عليك
سبحان الله كان عندي زيادة مويات وصارت تنزل ووصلت للطبيعي الحمد لله أكيد رحمه من ربي وإن شاء الله ماتنزل عن الطبيعي

انا نفس طريقة كابتشينو
انتبهه وش تشرب ووش كثر تشرب
وكل بعد ساعه اوديها
بنتي كانت ماتعرف تطلع البول
نحلس نص ساعه بالحمام لين تطلع
تعجز ترخي نفسها
نقضيها سواليف لين تطلع
مره مرتين لين عرفت الطريقه
وخاطه لها قطعه على الافرنجي تصغر الفتحه ..
وملصقه في الثلاجه شوكولاتات وشيبسات
هذي المكافئه حقتها 👌
وقبل ماتنام بثلاث ساعات ماخليها تشرب شيء
وقبل تنام اوديها بعد
وابحمدلله عدت
انا تمت ثلاث سنوات وعلمتها
والحمدلله عدت على خير بدون تعب


(قريبتي دكتوره برياض الاطفال وهالامور )
تقول دليلك ان الطفل عنده استعداد يتعود
اذا نزل وصعد الدرج مثل الكبار
يعني ينزل كل درجه بقدم وحده

الان احسن من الظهر
بس باقي الم الظهر يروح ويرجع
والبيبي فوق مره احس بين الصدر والبطن المكان بيتقطع مشدود

الحمدلله على رحمة ربي سبحانه
|


الخيال الخفي خابره عندها مويات زايده
ولها فترة مادخلت. 😢

بنات بستشيركم أمس رحت لدله قلت خلاص ببدا اراجع معهم بما أني على نهاية السابع
طلعت منهم وأنا متردده أني أولد عندهم🙁
مررره متغير الوضع مو زي أول
مافيه اهتمام بالمستشفى حسيت المكان مهجور
والخدمات بطييييئة جداً
رايحه بدري مرره السونار مافيه احد قدامي ورصوني يمكن
نص ساعه يوم دخلت الغرفه وانسدحت ويتركوني عشر دقايق عصبت مررره منهم قلت متى تسوون السونار قالت الممرضه شوي وتجي الدكتوره
والمختبر مافيه احترافيه الممرضه ماتعرف مكان العرق بالضبط عصرت يدي بالربطه وتبط ولا يطلع دم وتحاول بمكان ثاني لحد ماطلع دم خدرت يدي وهي تحاول
والغرفه مره صغيره تدخل ثنتين مع بعض بينا ستاره بس
مدري طلعت وانا متردده افكر بحبيب الريان قعدت ابحث
لقيت الجوهره المطوع عليها مدح وتقييمها عالي بالتطبيق
بس اقرب موعد بعد عشرين يوم حسيتها مضغوطه
وفيه هويدا سودانيه بعد عليها مدح
فيه احد منكم او تعرفون احد جرب الولادة الطبيعيه عندهم
اخاف مايصبرون علي بالطبيعي وكيف خياطتهم؟