السلام عليكم كيفكم ياحوائيات عندي طفلة بعمر ١١ سنه اجد صعوبه في التعامل عنيده من صغرها عجوله في كل امورها ابوها دايما يثور عليها وانا اهديه واقوله طفله واصبر عليها مع اني من داخل اغلي. فعلا تستفزني كثير ربي يصلحها. مثل الحين هي تعبانه مريضه وابوها خايف عليها ويقولها نامي بعيد على المكيف ولبسها ثقيل لان المكيف بارد يصير جلست فتره معصبه وتقول حر قلتله عادي خلها على راحتها. كل مرجع ابوها الغرفه قالت حر. قلت لها شيلي اللبس الي لابسته والبسي خفيف قالت لا. لان ابوها منعها الظاهر وخايفه منه . فسخت اللبس وشوي جيت عليها لابسته وتصرخ حر ومعصبه. وابوها دخل عصب عليها مره وقالها روحي نامي عند المكيف خرجت لها بجامه خفيفه قلتلها البسيها وحطيتها بعيد عن المكيف
. بعدها جيت عليها تبكي بينها وبين نفسها. ودايما على خلاف مع صديقاتها. عجزت افهمها. اخاف عندها اضطراب او شي في شخصيتها وتحتاج طبيب ابوها يقول مافيها الا العافيه.
شاركي في النقاش
سجلي الدخول لإضافة تعليق.
التعليقات
8المشاركة المقتبسة غير متاحة.
احاول بقدر الامكان ابعد ابوها بالتعامل معها لانه عصبي وهي تحتاج صبر لانها تغير رأيها بسرعه وتعصب بسرعة وعصبيه على اخوانها وماترحمهم .. واذا قلنالها شي ماتستجيب الا بطلعة الروح. الحين اسمعها تبكي قبل ماتنام ..- هي من اسبوع زادت حالتها سوء. عندي بنت اصغر منها بكثير اركز منها واهدأ منها.
- الله يعين البنت الكبيره دايما تجي دلوعة وعنيده ولازم تسوي اللي هي تبغاها بس انتم كمان زي ذي الامور البسيطه خلوها تسوي اللي ترتاح له مو تجبرونها انتم اعند منها 🥸
- ١١ ع ابوب مراهقه
حسسوها انها مسؤوله عن نفسها اعطوها حريت تصرف مع توجيه
العصبيه غلط غلط غلط في سنها
لاتعاملونها طفله
بنت قاعده تكبر
وهرموناتها تتغير وتفكيرها يتغير ونظرتها تتغير
وضعها حساس احتووها
كوني انتي صديقتها وافهميها
كوني فعلا صديقه العبي معها اعرفي ايش تحب ايش ماتحب
اي موقف تشتكي لك منه لاتتجاهلينها اوقفي معها وجهيها
اكرر توجيه توجيه ليس توبيخ مهما كان الامر
تتعود تلجا لك تكوني الصديقه وصدر الحنون
وفهمي ابوها هالكلام
اقري واطلعي عن اساليب تربيه
انا كنت مثلك جاهله بس رحت قريت وبحثت ودخلت دورات
الله يحفظها لكم يارب
وبعد هسن تحتاج غذاء متكامل
انتبهي لهنقطه
❤❤❤❤ - عادي المرحله هذي تغيرات جسميه وتحول من طفوله الى نضج.... اصبرو عليها.... وابوها لايدري عن كل الأمور اليوميه البسيطه....
المكيف امر يومي بسيط تعاملي مع بنتك مباشره الاب خليه للامور الكبيره......
والطفل الكبير غالبا يجي شخصيته مقولبه لأنه يتحمل اخطاء التربيه لأم واب جديدين على هالمرحله....
وبيني وبينك.... بعطيك سر ينفعك... بكل سجود قولي اللهم اشرح صدر بنتي فلانه... بكل سجود.... والله غير تزين اخلاقها.... وتتحسن وتروح عنها هالضيقه... ترانا كلنا نضيق بهالظروف كورونا وبرد وقل ونسه......
وناديها... فجأه بمكان لحالك... اذا جت احضنيها هلا ي بنيتي اشتقت لك... مع انك بالغرفه بس اشتقت لك عشان تحس انك تحبينها.... وبكل فتره ناديها بينك وبينها واحضنيها ترى. المشاعر والحب والاحتواء تذيب العناد وتساعد انها تتحاور معك وتتفاهمين معها....
والبنات طبيعتهن حساسات يبون الاهتمام...
الله يعين التربيه بهالزمن صعبه.... نسال الله ان يصلحنا ويصلح لنا....
مواضيع مشابهة
تابعي تجارب أخرى من هذا القسم.