اذا زوجك خاين وانتي مو عاجبك طلاق ايش تسوي؟؟

والله مدري بالنسبه لي اعتبر الخيانه خط احمر ومستحيل اثق فيه لانه يسوي شي حرام. هل هي علاقات بس بالبرامج والا لقاءات بينهم. ماتوقع بس علاقه كتابيه. فكيف تسمح نفسي اكون زوجه لرجل واطي زاني يستسهل الحرام. القرار قرارك وتقيمي وضعك معه وتعرفي خفاياه كل شي يوضح اذا له علاقات محرمه او لا. اعانك الله على مابتلاك فيه

فعلا زي الطفل
لكن تعاملك معه يكون بشطاره ولباقه
الطفل تقولي له هات الجوال يابابا اعطيك كذا وكذا وإذا ماطاعتك اخذتيه وعطيتيه البديل
لكن زوجك اشغلي يومه بنفسك وباطفالك خلي ماعنده وقت للجوال
بنفسك بالسوالف الحلوه والضحكات وجلسات حلوه في أماكن حلوه ومرتبه قهوه وحلا وحركات وشاهي ومكسرات يتخللها حوار عن أي شي يحبه زوجك اقرائي من النت قصص تاريخيه إذا ميوله تاريخي وقصيها عليها بأسلوب جميل وإذا سياسي ابحث عن خبر سياسي طازج وناقشيه فيه إذا يحب القصص اليوتيوب مليان اسمعي كم قصه من القصص واسريدها عليه بأسلوبك الجميل اسمعي قصص حلو الكلام باليوتيوب وقصيها عليه وفي الكثير من القنوات تنزل قصص يوميا احيانا اقص على زوجي منها ويسمتع
بالليل جهزي له مكان جميل للنوم ذو رائحة جميلة هادئة مسجيه مساج خفيف قبل النوم أو مجرد المسح على بعض اطرافه وعضلاته وجبينه وموخرة راسه حتى تتفرغ الشحنات السالبة من اعصابه
مع حديث خفيف عن شي يحبه بنفسه أو يحبه فيك أو باطفالك مثلا تصرفات حلوه حصلت منه أو منك أو من أحد أطفالك لكي لايفكر بشي قبل نومه غيرك وغير اطفالك
وبالنسبة للأطفال اعملي لكم نشاط يومي مثلا جهزي اسألة ثقافيه وهو يطرحها عليهم
واعملي اكلات لجلستك مع أطفالك يحبها أو مشروب له مفضل ومكان هو يحبه حى يدمن هذه الجلسه
اخرجي معه يوميا لو عشر دقائق
وخروج الأطفال معكم يكون حسب وضع زوجك وضع اطفالك لكن انتي حاولي تخرجي معه يوميا لو عشر دقائق بممشى أو مكان يحبه وحسب مزانيته
بكذا يصير يومه اغلبه معك شوي شوي الا خلاص يكون ادمنك ويترك كل شي عشانك
لا تجبي سيرة المعاكسات ولاتفتشي وراه ابدا
لاترفعي صوتك بالحوار ابدا ابدا الرجل يتحمل كل شي من الزوجة الا رفع الصوت لو كنتي سندريلا ورفعتي صوتك لهرب لغيرك وبحث عن احد صوته هادي لو كان هذا الشي بنظرك بشع
والاهم من هذا كله دعااء الليل
والله يصلحه لك ويعينك ويعين كل زوجه تحاول الحفاظ على مملكته من الانهيار
لو فيه اخطاء فهو من النعاس
سبحانك اللهم وبحمدك نشهد أن لاإله إلا أنت نستغفرك ونتوب اليك

قسم بالله كل هذا صار وخاني
وش اسوي طيب؟؟

يااختي انصحك انك تروحين فتره عنه تغيرين بنفسيتك وتجددينها بدل ماانتي هاجرته بالبيت وحارقه اعصابك ...وبعدها ارجعي له مثل ماقالت الاخت قوت واشغلي فراغه لا تخلين له وقت ابد ...

ولا تقولين هو يخون وانا اضحك معه واتزين له وو .. ترى كل هاللي تسويه مو علشانه لا علشانك انتي اولا ثم عيالك .

ماعندي مكان اروح له