التجمع (١٧٠) للمقبلات على الحقن المجهري واطفال الانابيب

بنات مدري ان حد مثلي مر بنفس احساسي اتمنى تساعدوني ، تلاحظون نسبة الحوامل ماشاءلله تبارك الله مرة مرتفعه هالفتره ماشاءلله تبارك الله اغلب قريباتي من عمامي و خوالي وصديقاتي بعد كلهم حوامل ماشاءلله وقسم بالله مب حسد او شي لكن الواحد تيجيه غصه انه يا رب بضحي بصحتي وبفلوسي وبكل شي بس يا رب ارزقني بطفل واحد ، مدري كيف تنصحوني اتعامل مع نفسي بس يجيني هذه الاحساس انا ادري ان غلط وكله حد له نصيب بذي الدنيا لكن محدودية فكر الانسان احيانا تخليه يفكر بتفكير زي كذا ، اتمنى من مرت بنفس هالاحساس باي فترة مضت تساعدني اني اتخلص منه

لاتقولين لو طفل واحد انتبهي
بكره تروحين تدورين علاج علشان يونس طفلك
لاتحددين
قولي يارب بالاولاد والبنات الي يونسوني
ندري احنا ماعندنا صبر. بس نعرف ماتضيق الا تفرج
..
ودعائك لهم
قولي اللهم بارك في حملهم ورزقني مثلهم وافضل منهم.
..
اذا ماتحبين تجتمعين معاهم اشتري راحتك وانا اختك واطلعي وسعي صدرك انت زوجك.
او اربطي نفسك بدورات
..
اذا عني شريت راحتي ولا احضر ولا شي بس اطلع ع هواي
ولا تقوقعين مع نفسك لا اطلعي وروحي. عاد هالاجواء تهبل برد وكشته ومخيمات
وتمشي انت وخواتك مافيه مثلهم بير وغطا
..
والله يرزقنا بحولا منه وقوته.

طبعا اي دكتور بعد الشهر يتكبر ويشوف تفسه الا من رحم ربي
وهيفاء السيد متاكده ٩٩٪؜ لها مكسب من الدعايه هذي ولا ماسوت كذا بالشكل هذا
كل يوم
هيثم هيثم
وشريف ابو بكر
شيء غير مريح كثرة تكرارها !

اول شيء واضح عليك كثرة القلق والتوتر من البدايه
احب اقولك
الحمدلله انتي صغيره + زوجك تحليله مو سيء
وبديتو بدري بالعلاج
بس يبيلكم اعاده وتوكل ع الله قبل كل شيء
وخذو فيتامينات قويه
وسووها بمراكز الرياض ، بنظري افضل من جده بكثير

زوجك تحليله ليس بسيء صدقيني دام عنده عدد فوق ١٠
يعتبر متوسط
اختي حملت طبيعي وزوجها العدد ١٠ خذا علاجات بس
ابحثو وتوكلو ع الله

وجده مستشفياتها صارت ماديه للاسف ولا اعمم هالشيء

سلام عليكم ورحمة الله وبركاته
كيف الحال
يارب ينولكم كل وحده ما تتمني ويرزقها الذرية الطيبة اللهم امين
ويجعلهم قرة عين لها ولزوجها اللهم امين بارين فيكم يارب..


اعرف من مده ما دخلت وسامحوني بس حابه افضفض
قبل ايام والدي انتقل الى رحمه الله اللهم اسكنه فسيح جناتك اللهم امين..