السلام عليكم
كيفكم كروشات 😍 اشتقت لكم
ماشاء الله الف الف مبروك للي ولدن الله يخلي لكم ويتربون بعزكم يارب العالمين 🤍🤍🤍🤍🤍
انا اختفيت عنكم كنت لاهيه بنفسي وببيتي وبزوجي حالتي حاله🤣
زوجي جاه كورونا وحالة استنفار الله وكيلكم حجر نفسه بالمجلس وكل يوم تنظيف وتعقيم البيت مره تعبت من الكرف والحمدلله عدت على خير
وبعدها جلست احوس ببيتي ااثثه لان نفاسي باذن الله بيكون بالبيت وبسوي استقبال وتجهيزات الاستقبال
وجهزت اغراض البيبي كلها واغراض الصيدليه برضو
وامي عسى الله يخليها لي سوت اعشابي كلها
وشريت لي لبس استقبال من سنبل حلو ومره ناعم
واخيراً ليس اخراً كنت اتابع حملي بمستوصف قريب لي اخذت ملفي من عندهم بحكم اني خلاص دخلت التاسع ورحت مستشفى دلة الي بولد فيه باذن الله وراجعت عند د صبا واول موعد كان الخميس
تقولي الدكتورة يالله ابدئي حركه امشي وسوي القرفصاء والله وكيلكم شكلي تحمست بزيادة مشيت الخميس والجمعه وبغيت اولد من التعب الي جاني 🤣🤣 ظهري لا احكي لكم ودي اصيح من الالم واستمر معاي من الخميس الى اليوم واتوقع بيستمر الى الولادة الله يعين
وبرضو قالت لي الدكتورة تعالي الاسبوع الجاي اسوي لك مسحة الجي بي اسالله يعين ويهون علينا يارب العالمين
🎀💗 تباشير السعادة ( ٨ ) لمواليد يناير & فبراير لعام ٢٠٢١ م 💗🎀
متابعة النقاش، صفحة 67
