التجمع (١٧٠) للمقبلات على الحقن المجهري واطفال الانابيب

بنات بقول راي / انا صار لي نفس الشيء العام وجاني خصم ايام موسم الرياض والعالم كانت بالهبل عندهم
سويتها بس ماانجحت الحمدلله من قبل ومن بعد وممكن فيه حالات انجحت معاهم بس بقولكم راي بكل صراحه!
دكتوره نوف طيوبه وعسل وخاطرها وسيع وتسمع لك وكل شيء لكن فيه شيء ينقصها احسها تستعجل دايم - قلت لها بسوي فحص اجنة قالت لحظه اسئل المختبر عندنا فحص اجنة يوم خامس اولا ؟!؟!!! طلبت محلول اجسام مضاده وسالتها هل هو مهم قالت بكيفك بس مااشوف له داعي يعني ماتحسسك تعطي قرار صارم وتقنعك طبياً.
بالنسبة للمختبر - مختبرهم غير احترافي مثل الريان والتخصصي وذريه ( يمكن خصوصية ذرية اقل من الحبيب لكن المختبرات هم الافضل)
وكل وحده وقناعتها ياخواتي بس قلت بنصحكم لاني اعرف الوضع المادي مع العمليات الله يخلف علينا وعليكم

رجعت على دورة طبيعية وكل حاله حسب وضعها / لكن انا مسويه سحب مرتين وفحص اجنه بسبب الفشل

وما انسى موقف طلبت منها تشرح لي شلون اجنة يوم خامس وشلون تجميد تخيلوا قالت لي اطلعي اسئلي المهتبر بيشرحون لك كل شيء / طلعت واقعد نص ساعه جاتني وحده سودانيه حامل من جوا قلت اشرحيلي شلون بيكون التجميد والفك وايش افضل ... تخيلوا قالت لي انتم تروحوا تجمعوا معلومات من قوقل وتجوي تزعجونا !!!!!! روحي لدكتورتك هي تشرح لك وتختار لك فرش او مجمد!!! غصة هذاك اليوم يوم سحبت علي وراحت اموت وما انساها بغيت ادعي عليها لكن تحسبت ورجعت للبيت وتركتهم وييسرها ربي لي بذريه

عذبة
الله يعوضك خير و يقومك بالسلامة

عذبه ياعمري الف لاباس عليك والله يعوضك خير ويجبرك.. قمريه وليزون ربي يجيركم ويرزقكم ماتتمنون.. ويارب تيسر لكل وحده مقبله وتتمم لكل وحده مرجعه وكل وحده حامل .. ويرزقكم جميعاً وأيانا بالذريه الصالحه التامه المعافاه ويفرح قلوبكم وقلوبنا ياحي ياقيوم ياذا الجلال والإكرام..