جهزي لك مشروب دافئ وتعالي نغير المود شوي.. ☕🌸

اما انا كنت مسافره عند اهلي ورحلتي بعد الغدا
وكان عندهم عزيمه غدا ومندي وحركات
وأخذت معي للمطار بيبسي وحطيته بالشنطه ع أساس اشربه بعد الغدا
لما ركبت الطياره وجلست وفكيت العلبه صارت قنبله من الغازيات من كثر الجري ف المطار ومتأخرة
الا كان اغلبهم سعوديين وكاشخين بثياب بيضاء نظيفه جبت العيد فيهم وسختهم
يارب بس مادعوووو علي

صراحة موقف لا يحسد عليه😭😭😭
الناس كاشخه وانتي الله يهديك جايبه البيبسي معاك بعد مافحطتي يمين ويسار 😂

هذا العيد ومعه حفله بكبرهااا
😂😂😂😂😂😂😂

تذكرت منكح صار فينا واحنا برا ماانساه..
كنا في دوله اسيويه ورحنا مكان مانعرف عنه الا انه مكان سياحي ويحتاج مشي فتره طويله (سفاري بس مشي مافي سيارات) ..



بس مانعرف فترة المشي او مدته، والغلط علينا ماسالنا واخذنا معانا علبة مويه صغيره..

واثاري المسافه طويله جدا جدا مشي يمكن اربع ساعات او خمس ماابالغ😭..

المهم لما مرت ساعه ونص قلت لزوجي تعبت خلينا نرجع قال لا نرجع لنفس المناظر قدام في مناظر أجمل وكل مامشينا قصرت المسافه، لكن كل مامشينا المسافه تزيد ماتنقص وعطشنا وماعندنا مويه..

لدرجة جلست على جنب ابكي بعد ثلاث ساعات مشي اقوله مو قادره امشي خلاص 😭😭😭
ومعانا ولدي كان طفل وتركنا المويه له نشربه كل شويه كميه قليله وجاع حبيبي عمره سنه وسته شهور ويبكي..

والله ماانسى ذاك المكان والمشي اللي مشيناه طوال عمري حسيته مقلب كبير،

ولما جا الفرج ورجعنا لنقطة البدايه،

في حياتي يمكن مابكيت من الفرح والله اني جلست على جنب وابكي لاني شفت بوابة الخروج..

تجربه لاتُنسى بالنسبه ليا أبداً تعلمنا بعدها نسأل عن أي مكان كويس قبل مانروح 🏃🏻‍♀️..

يوووه ذكرت موقفنا رحنا لدوله اوروبيه وطبعا فيه شي م اعرف اوصف
المهم يعني فنص الشارع فيه مكان يمشي فيه القطار واذا قرب القطار فنص الشارع
فيه مثل العامود ويتقفل وقبل يقفل يطلع صوت فنحنا كنا رايحين المطار وخرجنا متاخر ونمشي ويوم
قربنا من السكه والا السياره فنص السكه والعامود شوي ويصقع فسيارتنا وانا خلاص كان قلبي بيوقف
ونحنا م ندري نترك السياره تصدم ونخرج منها ولا يمدينا نخرج والحمدلله خرجنا وانا يمكن ثلاث ساعات منصدمه كيف للحين انا عايشه ههههههههههههه
والموقف الثاني م انساههه يوم رحنا القمه الثلجيه اذكر كان فيه مثل الممر وكلو ثلللج ومثل المراوح وتحت كلو جليد
جلست ازحلق ولازم امسك فشي مثل الحديد عشان اوصل عند الثلج الحقيقي وانا خلاص يدي قلب لونها موف ودرجة الحراره يمكن تحت الصفر وانا يوم
اربط جزمتي الله يكرمكم ماني قادره معد احس باصابعي والمشكله انا داريه بنروح مكان بارد م ادري ليش م لبست الخلاصه من قصتي البسو زين حتى لو كان حر
ع شان م تندمون ويسير لكم مثلي م تتهنون فالسفره