شي مثل اللغز سبحان الله

يابنات الله يسعدكم ابغى احد يفيدنا انا نزلت الموضوع اول مره الي على بنت اختي ، واغلبكم رديتوا قلتوا خليها تروح المستشفى ..
وراحوا مستشفيات كثيره حللوا لها وسووا لها اشاعه مقطعية واشاعات كثيره ومنظار ويقولون ماعندها شي هذي حاله اول مره تجينا حاله غريبه
لان بطنها منتفخه ماء يعني الماء الي في بطنها خارج الامعاء والماء الي ببطنها تقريباً 10 كيلو تخيلوا ....
وربي البنت لسى طفله عمرها 11 سنه ونحفااااانه مره صارت عظم حتى وجهها صار يبين الهيكل العظمي من كثر النحافه
وراحوا اكثر من مستشفى ما عرفوا وش هي حالتها
يسحبون نص الماء ويرجع يزود
وودوها عند وحده تقرا قالوا يمكن عين ..
قرت عليها مرتين تقول فيها نظره تحت الارض مافهمنا وش هي النظره
والحين راحوا الرياض يعالجوا لها
كل ما راحو مستشفى يقولون الاعضاء سلميه والنتايج سليمه وكل شي سليم والاشاعات كل شي تمام بس ماندري من وين يجي ذا الماء
وتقول امها مرررره يزود يزود الماء حتى الحين تقول ظهري يعورني ، يعني وصل الماء لظهرها شوي انتفخ
مدري وش الحل ، امها تقول وربي شي مثل اللغز سبحان الله ماعرفنا من وشي يجي الماء
يعني مو حاجه بسيطه لا يابنات وصل الماء 10 كيلووو يعني شي مره ، وبطنها منتفخ بزياده حتى اذا طلعت يناظروا لها العالم لانها طفله وبطنها منتفخه مرره
المهم لما راحت تقرا عليها قالت كانت جالسه ف الصاله وعندها حريم واطفال يبغون يقرون ، وكانت بين الحاضرين فيها مس لما شافت بنت اختي قالت هذي حامللل!! بعدين قالت لالا هذي فيها سحر
هنا اختي مرررره خافت قالت بسم الله معقوله سحر بس احنا قلنا لها يمكن الشيطان يبغى يدخل الوسواس فيك يعني مافيها سحر بس الشيطان يفتن
والله مدري ،،
والحين ودوها مستشفى الشميسي الي اسمه مدينة الملك سعود الطبية
وش رايكم فيه يقولون انه زين ويمكن يعرفوا يبينوا وش فيها
لان مستشفى عن مستشفى بعض المستشفيات يعرفوا وبعضهم مايعرفوا
وهذا المستشفى الي الحين ودوها له الناس يمدحونه وش رايكم فيه تشوفونه زين يعني بيبين وش فيها !