صحبتي تتنمى تعزم في بيتها لكن فيه شي يمنعها

السلام عليكم ورحمة الله
هذه الله يسلمكم صحبتي ساكنه في بيت مره جميل ومرتب ومعارفها كثير تتمنى تعزم في بيتها بس هي عندها مشكله وهي اذا بتقهوي وتمد الفنجال يدها تبدأ ترجف ويسبب لها أحرج هي تقول قبل ٨ سنوات كانت طبيعيه لكن تقول مدري ايش جاني احس برهاب اذا فيه ناس معني ماشاء الله ما احس بتعرق او تلعثم فقط عند تقديم القهوة هي قد تعرضت لموقف محرج قبل كم سنه كانت تقهوي في عزيمه وفجئه وحده قالت لها ليش يدك ترجف وضحكو عليها ومن بعدها صار عندها رهاب تقديم القهوة المشكله تقول اتمنى اعزم في بيتي واعزم حمولتي بس اخاف يدي ترجف

21 تعليق 4,468 مشاهدة

شاركي في النقاش

سجلي الدخول لإضافة تعليق.

التعليقات

21
  1. @noor124

    كلنا ترجف تراها يد بشر
    مو عمود كهرب
    المثاليه الزايده هي اللي تجيب المرض
    اليد ترجف اذا حسينا بالتعب اليد ترجف اذا نفسها فيها ضعف مو متعوده تحرك يدها كثير
    انتو ربطتو الرجفه سببها التوتر اوكي التوتر يسبب الرجفه لكن تقبليها
    لانها ماتطول
    وعادي انا كم رجفت يدي صديقتي مره تقهويني رجفت يدها
    كثييييييير
    عادي جدا
  2. @mro_alsanaa

    ياربي على اللي يضحكون على الاوادم ما يدرون وش يصير فيهم عقب مشكل هالضحك .. على العموم اذا هي بتعزم ناس ميانه و معارف من زمان كل وحده تخدم نفسها على الضيافه انا كذا مع صديقاتي صاحبه البيت بس تقدم القهوه لمره وحده و المرات الباقي كل وحده تخدم نفسها مو بس القهوه كل اللي موجود على الطاوله
  3. @tolyfh

    اذا عزيمه كبيره تجيب صبابات
    وعادي ارجفي وعيشي يومك وانبسطي ولاتحسين انها مشكله داخلك حتى لو ضحكو وانتقدو مو نهاية العالم ولا راح يغير شي في حياتك
    صدقيني لمن تبطلين تفكير في كلام الناس كل شي كنتي خايفه منه راح يروح
    المواجهه هي الحل خوفك وهربك يزيد المشكله مايقللها
  4. عادي خل تصب وترجف ولو حد علق تقول معاي ارهاق
    الرهاب يروح مع المواجهة مرة على مرة بيخف
    خل تعزم الناس القراب واللي تحس انهم يتفهمونها

تابعي تجارب أخرى من هذا القسم.