ادعو لي بتفريج همي
السلام عليكم انا عضوه جديده بالمنتدى كنت اتابعكم دائماً من تقريباً عشر سنوات بس ما سجلت بالمنتدى الا اليوم والسبب اني محتاجه افضفض واحد يدعي لي بظهر الغيب ماحد عالم باللي احس فيه غير الله سبحانه وتعالى انا متزوجه من عشر سنوات اكرم الله علي بعد خمس سنوات من تأخر الحمل بتوأم لطيف (مراد ومعاذ) الحمدلله حياتنا ميسره بس انا عايشه عند اهل زوجي بالملحق عندهم غرفة نوم وحمام الله يكرمك فقط عشان زوجي راتبه ع قدنا الحمدلله ومايقدر يفتح بيت مستقل انا الحمدلله اهله مو مقصرين معي معتبريني بنتهم لكن المشكله الحين الاولاد كبروا وماشاءالله تبارك الله أولادي كثيرين حركه وفيهم شقاوه الله يحفظهم ع قلبي زي العسل بس اتضايق كثير ان اهل زوجي ينزعجون منهم والوضع الحين زاد عن حده قلبي يعورني ع الاولاد لما يحرموهم من اللعب ويصرخون عليهم والله اوقات يضربوهم 💔 ولا تسوون كذا ولا تلعبون هنا وهما مساكين مو قادرين يلعبون زين بغرفتنا يتضايقون كثير لدرجة صارو يقلون لي ليه ياماما مانروح بيت كبير وانا م اقدر ارد عليهم ولا اقدر اكلم زوجي وانا عارفه ظروفه ومقدرتها الحمدلله وحتى اهل زوجي م الومهم لانهم كبار ومو متعودين ع شقاوة الصغار اعود لي الله يفرجها ع زوجي ويتوظف وظيفه حكوميه ويرزقنا بيت مستقل ويفرج همي والله مادخلت الا من ضيقتي متضايقه من هالحياه لكن الحمدلله على كل حال لعلها خيره ولعل المستقبل يخبىء لنا الافضل الحمدلله الحمدلله الحمدلله دائماً وابداً