ام ريحة

.. وعلا الكششنات طبخي بدري مره .. وملابسك بالكبت معطره ومبخره وبعد ماتخلصي .. الطبخ .. شور سريع كذا بتكون امورك تمااام . وشغلي كمان بخوووور الصبااااح .

الحل إسبقيهم ..وقولي ترى عادي لو قلتوا لي يابنات مافيها شي ..
سوي إنه عادي بيختفي الإحراج
والله يحفظك لعيالك ونعم الأم

اللي منتبه يشم ريحة نفسه..
بما ان بيتك مهوى كويس اذا طبختي شغلي الشفاط وبعد الوجبه بخري بيتك
ملابسك وعبايتك علقيها بمكان بعيييد عن المطبخ
سوي الكشنه في يوم واحد في الاسبوع وفرزنيها
دايم طبخك اللي بكشناات خليه غدا او عشاء وقبل النوم خذي دشش والصباح اذا لازم فطور بكشنه جهزيه من الليل

الواجب عليك حالياً غسلي ملابس العمل وعبابتك وقبل ماتنامي تحممي او الصباح قبل ماتداومي تحممي عوديهم اسبوع او اسبوعين مايشموا فيك ريحه لا كشنه ولاعطور وبعدها خلاص ابدأي تعطري .. انتقال تكنيكي من ريحه الكشنه للعطور هههه

هذا الشي دايم يضايقني اذا صليت بالمسجد تكون اللي جنبي ريحتها طبخ او كشنه او ثوم😩

ياقلبي هوني على نفسك
المشكلة وجود رائحة ركزي هنا مو مهم رائحة طبخ او جسم
لان الحلول وحدة
اولا لازم غسل الجسم قبل ارتداء الملابس بصابون مثل ديتول او لايف بوي لانه يقضي على روائح الجسم والبكتيريا المسببة لها
ثانياً تجفيف الجسم ووضع مزيل رائحة العرق وأفضل شبه مطحونه مخلوطة مع مكعب مسك جامد بعد طحنه من عبد الصمد القرشي
ثالثا بعد وصولك للعمل ضعي عطرك وياليت تختارين نوع رائحته فواحه وخفيفه بشرط عملك غير مختلط
وفيه مباخر صغيرة على الكهربا اشتري وحدة مع مبسوس عوده بانافع او الماجد للعود وقت التخفيضات رخيصة جدا
واول ما توصلي دوامك شغلي المبخرة على ما تشلين عبايتك وتضبطين نفسك وحطي بخورك شوي وبخري نفسك ومكتبك
وهذه كانت طريقة وحدة من زميلاتي ماشاء الله عليها دايم مكتبها ريحته عود واذا جلست عندها احس الريحة تمسك في ملابسي
وبالنسبة لكلامهم ماعليك من احد كوني واثقة من نفسك ولو صادقين الكل متضرر الا مافي وحده قوية تقولك وتزعلك بالكلام
لكن المديرة حبت تلفت نظرك بكلام قوي حتى تهتمي

لا طبعا مااتروش الصبح اصلا انا بمنطقه باارده واخرج من البيت على ٧ الصباح مشكلتي معي اطفال صغار اصغرهم ٧ شهور وطول وقتي الاحق الشغل والاولاد