الزواج من عسكري فيه استقرار ولا لا

وش وظيفة ابوك طيب؟؟؟ شوفيه مو عسكري واختك عايشه بكآبه وضيق يعني مااستفدتي درس من وضعكم 😓
مدري وش هالنظرة للمسكين العسكري.. ياما عساكره اعرفهم حوولي حريمهم عايشن بعزز وحنونين على اطفالهم بشكل كبير مررره وحتى علينا اخوالي واخواني واخوان زوجي كلهم محترمين واسرهم مستقره جداً وعيالهم كبار ومتزوجين ومبسوطين بعد .. لكن اللي لاحظته ان العسكري دايم يجي نظيف ومهتم بنفسه ويعتمد عليها بشششكل كبير في كل كبيره وصغيره ويجيك رجال يعرف يدبر نفسه ويحب التنظيم والترتيب
طبعاً من الدوره اللي ياخذونها قبل العسكريه تعلمهم الاعتماد على النفس وعدم الاتكاليه.. بالمقابل اعرف معلمين حريمهم يشتكوون منهم جداً وعيالهم وفيه منهم اللي مطلق زوجته وفيه اللي بينهم مشاكل وقضايا بالمحاكم واتكاليين لازم تصحيه للدوام وتنظف جزمته وتطبخ اكله وحتى كاسة المويه مايشيلها.. واعرف دكتور حاقر ام ام ام زوجته لايخرج ولايروح ولايجي معاها وتربية اولادها من إلى هي اللي شايلتها ودايم متذمره منهم وتعبانه.. كلامي ماأعممه على الكل .. لكن المقصد فيه عسكر محترمين ورجال وفيه العكس وفيه من باقي الوظايف معقدين ووسخين وفيه العكس .. الشغله كلها تعتمد على تربيته وشخصيته مالها دخل الوظيفه..
وماأنكر ان وحده من صاحباتي تطلقت من زوجها الضابط لأنه بالبحث الجنائي ومن كثر ماتمر عليه مصايب وقضايا مع الوقت صار يشك بزوجته وهي ماتحملته وتطلقت منه..يعني اصحاب القلوب الضعيفه ممكن تأثر فيهم وظيفتهم.. هالكلام بكل الوظايف اعرف وحده زوجها دكتور جراح تقول زوجي عايش في هم ومنغلق على نفسه وخاصة اذا كان عنده عمليات يقول حياة الناس تحت يدي ومسؤوليه عظيمه وهكذا
ايام دوامه على حسب عمله ممكن استلامات وممكن يومياً
اسألوا عن أخلاقه ودينه ثم وظيفته..خلي التفكير بالعيال وتربيتهم لوقتها يمكن مايجيهم عيال وهي شاغله نفسها بالمستقبل😬

رفع

اول مرة ادري ان العكسري يفرق عن غيرة
ويغيب😶؟
ليه هو منتدب والا موظف بوظيفة ثابتة
يداوم و يرجع بيته
عاد وقت الانتداب الحج روحي معاه والا خليك عند اهلك كلها شغلة اسبوعين
اهمشي كلامك عن التربية حسيت انهم منفصلين مو مجرد وظيفة 😅
الا اذذذ قصدك بالحد الجنوبي هذا شيء ثاني .

زوجي طبيب وعسكري وعالحد ويداوم اسبوع ويسلم اسبوعين، قبل يروح اتاكد ان البيت فيه المقاضي وكذا ومجرد ما احتاج شي وهو مو موجود فيه تطبيقات التوصيل، فيه كريم، وبرضو انا اسوق 🦦
ماله دخل عسكري من غيره المهم شخصيه الرجال طبعه فيه ناس وزراء و٢٤ ساعه فالبيت وهم وغم ونكد وكل شي ممنوع، وفيه ناس رواتبهم متدنيه و٢٤ ساعه مداوم وحياتهم حلوه وسعيده..
مالها دخل الوظيفة

اذا عمله متنقل مثل الجيش
او في الحدود صعب شوي


اما في الامن العام مثل مرور شرطة جوازات دفاع مدني ،،، عادي
وافضل شي لو دوام مكتب مو شفتات كثير نادر يجيه استلامات


بعضهم مثل الممرض والدكتور شفتات