الى ابني ....

كنت فرحانه بحملي الأول وجهزت ملابس خالد من يوم كان في بطني وانا فرحانه ومبسوطة ولما ولدت كان فرحتي فيه ماتونصف ولكن اكتشفت انه مريض وان قلبه الصغير مايتحمل هواء ذي الدنيا وجلس معي ١٠ ايام وكل يوم اشوفه احس بموت من الوجع والتعب وألهم عليه وفي عاشر يوم كان بحضني وهوه يسكب العرق من جبهته كنت حاسه ان شي بيصير وكوابيسي كانت تقولي بشي بس أبدا مااجا ببالي ولو ثانيه ان خالد راح يغمض عينيه لاخر مره وهوه في حضني حاولت انعشه حاولت اضحك على نفسي واقول لا ابني بس نايم لكن الدكاتره اجو وغطو على وجهه حسيت بلصدمه والخوف والحزن حسيت ان لو اني بحلم وابغى اصحى منه لكن للاسف كان حقيقه وقتها ماشفت ولاااشي غير قوله تعالى ::(وبشر الصابرين الذين اذا اصابتهم مصيبه قالو انا لله وانا اليه راجعون)شفتها مكتوبه في الجدار الي قدامي لكن دموعي يومها مانشفت جلست ابكي وابكي واتخيل ابني وهوا في القبر وحيد بردان جوعان وخايف وصدري يدر الحليب الين ملابسي تسبحت فيه وابني جوعان في قبره ولااقدر اسوي شي مر ذاك اليوم كانه دهر وجلست مكتأبه ٣ اشهر وانا اتخيل انه راح يرجع واني راح اشوفه واضمه واشم ريحته الي للحين مافارقتني لكن ربي اراد ذالك ربي اخذ امانته هذا القدر وهذا مكتوبنا والحمد لله على كل حال لو كنت عايش ياروح امك كان عمرك الحين ١٢ سنه لكن ربي اراد ان تكون ضيف خفيف واعيش على امل اني راح القاك يوم القيامه وانت تنتضرني عند باب الجنه عشان ندخلها سوا ربي يرحمك يالغالي ويجعلك طير من طيور الجنه ويجعلك شافعا لي ولابوك واخوانك والحمد لله على كل حال
فضفضه::.....