التجمع ال١٥ لمواليد شهر مايو ويونيو ٢٠٢١ 👶💙💖🤰

في مرحلة الرضاعه لطفلك راح تحسين بجهد و ارهاق ، هذا الطبيعي كللللنا كذا ومع الايام بتتعودين و اساساً بعد فتره يطول البيبي وهو نايم مرا في مرا الين يصير يمسك الرضاعه بنفسه 👍🏻 - ولكن !! اهم شي تستغلين وقتك مضبوط عشان يخف عليك الجهد ، يعني وقتي وقتك مع وقت البيبي لمن ينام على طول نامي و لمن يطلع رضعته ويصيح ترضعينه وترجعين تنامين وبعض البيبيز لا جاعوا ما يصرخون وهالشي صار لي مع بنتي كنت اضطر اوقت منبه كل ساعتين في حالة ما سمعت صوتها

بنات حاولوا تعتمدون على الرضاعه الطبيعيه واااااجد تفيد اطفالكم وتفيدكم انتم 👍🏻

ما شاء الله نصائحك مفيدة
مع اني مش بكرية اقرأ بتمعن😅
معاكم جارتكم من التجمع اللي بعدكم

حبييت اسألكم عن هدى كانت نشيطة في هالتجمع
اختفت عسى المانع خير

التغذيه في هالفتره ضروريه جداً جداً تعوضين الدم اللي راح و ترجعين لجسمك العافيه ، و نصييييحه ابعدوا عن خرابيط النفاس لا تاكلون دهن واجد لا تاكلون رز و خبز واجد - كثروا ماي و سوائل عموماً و السلطات ضروريه لا تستهينون ب طبق صغير خضار او فواكه فايدتها عظيمه وعصائر الفواكه والشوربات كذلك 👍🏻