هل تساعدي زوجك في المصاريف؟

يا ليت لي راتب اقل شي اصرف على نفسي او اخفف عبئ على زوجي ما فيها شي ..ربي يكرمه بالرزق الحلال


ان شاء الله ربي يكرمني من واسع فضله واساعد ليش لا
وارفه عن نفسي وعن اطفالي
زوجي ما بقصر الحمد لله
لكن متطلبات الحياة كثيييرة

على حسب ظروفه، لو مثلا ساكنين اجار وعليه قروض وراتبه قليل والخ، اقوم بنفسي ومصروفي من الى وممكن شوي رفاهيه لاولادي ..
لكن الاساس عليه من فواتير ومقضى بيت وصرفية اولاده بس اراعيه..
يعني مثلا يحط لهم مصروف ٥٠٠ خلاص استخدمها في الاساسيات المهمة وبعدين لو نقص شي ما اسويها مشكله اكمل من عندي عادي..
اما اني اشيل جزء كامل عنه لا، ولو مقتدر وراتبه حلو برضو لا يبقى ملزم فيك وفيهم.

قبل فتره جاني دخل حلوو
وهو كان يطفر قبل الراتب باسبوعين ... واعطيه المقسوم ويرجعها لي مع الراتب
واحياناً نفسي في اغراض وبعد اغراض لاطفالي اشتريها من عندي.
وانا اشوف تختلف الشخصيات فيه اللي ياخذ غصب وفيه اللي يمن عليك وفيه اللي مايطلب من زوجته لو ريال.
الله يسخرهم لنا بس.

لو موظفه طبعا لا
لو مقتدره بعد لا
نفسي اهم الرجال يدبر نفسه

فيه بعض الرجال طمّاع
اذا زوجته صرفت ريال واحد من عندها للبيت او الاولاد
بيستانس وبيقولها كل يوم تصرف ويطمع فيها
والرجال ع ماتعودينه تصرفين كثير وتساعدينه خلاص بينفلت ومستحيل يرجع يصرف مثل قبل المره الذكيه تصرف بدهاء وتخطيط للشيء اللي تبي بدون ماتخلي الرجال يرفع يده من الصرف وبدون مايعرف افضل