عاداتك وطبايعك العجيبة والغريبة 😕🤦🏼‍♀️

السلام عليكم ورحمة الله وبركاتة


اكيد لكل وحدة منا طبع وعادة عجيبة غريبة
وممكن لما تقولينها لاحد يستنكر ويستغرب منها ☹️


انا يا طويلين العمر والسلامه
اول ما اصحى من النوم لازم اطق يدي من المفصل
ولو ما سويتها ماش احس جسمي ناقصة شي🥵


والبطانية
سواء صيف حر رطوبة لايمكن انام بدون ما الكون متلحفة بالبطانية والله اني احزن 😭




اعشق مووت ريحة الغراء البوية والبنزين
يالطيف الطف 😤


التلاجة
كل ما دخلت المطبخ لازم لازم افتح التلاجة واقفلها
حتى لو ما ابغى اكل
وحتى لو ادري انه ما فيها شي
عادة الله وكيلكم مدري كيف 😩

البخور
لازم يوميا ابخر البيت مرتين او ثلاثة مرات
وما ارتاح الا لو الجو صار كله ضباب من البخور🙄
وصار الموضوع يستهلك بخوور كثيير
بس عادي المهم ابخر🥺


وطبعا اكيد فية عادات غيرها وبذكرها في الموضوع لما تجي على بالي
شاركونا بعاداتكم العجيبة والغريبة❤️


والموضوع للضحك والتسلية ويرحم امكم ولا وحدة تقتيس رد عليها وتعلق تعليق سامج وتغير مسار الموضوع 😡

61 تعليق 13,006 مشاهدة

شاركي في النقاش

سجلي الدخول لإضافة تعليق.

التعليقات

58
  1. موضوعك رووووووعة 🌹
    انا اول ما اصحى لازم اشيك على الجوال.
    وايضا لازم نافذة الغرفة تكون مفتوحة طول اليوم سواء صيف او شتاء
    اذا تذكرت شي رجعت
    اعجبني الموضوع مراااااااا ♥️
  2. @amy_hyaty_14

    موضوع حلو
    اول عادة مااعرف انام والغرفه ظلام لازم شوية نور
    الفطور لو ماكل جبنه بزيت زيتون 😋ماكاني افطرت
    والشاي مستحيل اشربه ساده لازم ي حبق ي مراميه
  3. @bnt_aboha_224

    طبعي الغريب ماحب اي باب مردود بس لامسكر ولا مفتوح لازممم اقوم واسكره او افتحه كامل


    وعاداتي بالاكل لازم مشروب وانا اكل وماخلص المشروب قبل الاكل لازم بالتساوي لقمه ثم جغمه 😂 بعدين اخر لقمه اخلي بعدها اخر جغمه واخليها كثيره شوي واستمتع فيها هههههه

تابعي تجارب أخرى من هذا القسم.