الله يسلمكم..
موناليزا.. مشكله انتي ما فتح معك الرحم..
مدري ترا اذا يناسب معك رشاد وتمر أو لا..
انا ترا كنت متأكده انه فاتح ٢ سانتي عشان كذا..
انتي كثري تمارين وجماع ومشي هي اللي تفتح..
لأن اخاف يجيك طلق ولا يفتح معك.. خلي كل شي طبيعي احسن..
اشربي يانسون وعسل.. وكلي أناناس خليك ع الخفيفات..
واشربي عصير اناناس بدون إضافات تلقينه في سوبر ماركت..
كلها حلوه تلين الرحم
حتى الحلبه كويسه َما تجيب طلوق قويه بس تليّن نفس مفعول الاناناس بس لا تكثرين منها يعني كل ٣ ايام كوب حلبه مع عسل يكفي..
انا بعد ترا شميت حلتيت شمه خفيفه عشان كذا اتوقع فتح معي الرحم بسرعه ماشاء الله يوم طلعوني غرفة ولاده ساعتين وطلع ١٠ .. مع اني خايفه وانا أشم.. أول مره اتجرأ..
لاني مشيت ٦ ايام في العاشر ضاق صدري 😢
وبعد انا ترا كنت اشغل ورد الولاده بصوت ماهر المعيقلي..
وقريت سورة مريم مو كلها اول صفحتين أو ٣ تقريبا.
وفي يوم الولاده قريت سورة الفاتحه ٧ مرات والمعوذات سورة الإخلاص ٣ مرات وسورة الفلق ٣ مرات وسورة الناس ٣ مرات.. وقريت الايه ( وله ما سكن في الليل والنهار وهو السميع العليم) بس جتني الولاده بعد الايه ( وننزل من القرآن ما هو شفاء ورحمة للمؤمنين ولا يزيد الظالمين إلا خسارا)
قريتها بنية انها تنزل بنتي وتطلع طبيعي لأنهم ضيفوا صدري يقولون بيبي عالي لا تدفين 😫 انتي لسا ٧ تقول.. وانا اقول ابغى سوى ولاده تقول لا تدفين تخيلي! الحمدلله على السلامه والعافيه أهم شي خلصت عقبال الجميع يا رب..
سبحان الله اول ما خلصت وردي نزلت المويه بعدها انفتح ١٠ سبحان الله رحمة ربي فوق كل شي..
اللي ذكرتني بتشغيل الورد ورد الولاده بصوت ماهر المعيقلي اللي بشرتنا بولادتها رولا السيف اسمها.. حلو الورد لا يفوتكم وانتي في المطبخ شغليه يريّح سبحان الله..
🎊♥️ التباشير ( ١٤ ) لحوامل مواليد يناير & فبراير لعام ٢٠٢١ م ♥️🎊
متابعة النقاش، صفحة 48