اللي متوفى زوجها .. تدخل !!!

ظروفي تشبه ظروفها
سبحان الله حتى البيت .. كن الفرق اننا بمرحلة التشطيب و توفى الله يرحمه

.....
والله صعب مره مره صعب القعده بعيد انا جربت وقلت لاهلي بقعد ببيتي و انتم و ظروفكم ان جيتوني فخير وبركه وان ما قدرتوا معذورين وانا اموري سهالات
قعدت شهر و ١٢ يوم من اصعب ما يكون
لا جار ولا اهل ولا صديقه ولا مخلوق يدق الباب

الأسواء في الموضوع بناتي صغار طول اليوم يبكوا .. نفسياتهم سأت جداً ... بنتي بنفس عمر ابنها ٤ سنين ونص ليل نهار تبكي وتنادي ابوها .. البنت كانت تمسك ثوبه احياناً وتبكي والله كأنها كبيره .. الله يرحمه كان كل يوم يخرجها ويلعبها فقدته بقوه واستشعرت بالوجده حتى ملامحها صارت حزينه . له الان شهرين ولين اليوم البنت تسأل لاكن لما نزلت لاهلي والله وضع البنت افضل تلعب يخرجوها اهلي يلعبوها يشتروا لها حاجات في ناس تزورنا من اهل ابوها واهلي ويجيبوا اطفالهم تلعب معاهم ... فرق جداً معايا لما نزلت لاهلي
الشغله مو طلبات يوصلها مرسول فقط .. لا والله الوضع الله لا يحط احد مكاننا .. ترمل وتيتم اغلى الناس و وجع الفراق و بعد الاهل ..

لاحبيبتي انا مو ارملة زوجي موجود
بس مريت بحالة نساء مثلك وانصحك زي مانصحتهم

و انتبهي لا تحسسي اطفالك بالفقد انه عظيم صغيري موضوع الفقد بعيونهم يصغير كبيره يكبر لأن الأطفال الان حيعيشوا الحياة بنظرتك لها خليهم يشوفوا نظرتك للحياة تفاؤل وانك قوية وان أمر الله واختياره أفضل لك ولا طفالك من بقاء ابوهم معكم وانكم حتيشعوا من بعده أقوياء بقوة الله وكرمه وتستمدوا قوتكم الله وليست من بشر


و انتبهي للنقطة اللي قالتها لك الأخت امل لاتقولي الله الله أخذه زي ماقالت

قولي ابوكم بنى لنا بالدنيا وبعدين سبقنا للجنة عشان يبني لنا هنآك قصر كبيررر ويعيش معنا فيه بس القصر اللي هنآك بيطول ماراح يجهز الا واحنا كباار مره فلازم نتحمل

صادقه الأخت لازم حولك ناس تخفف عنهم ألم الفقد
ولو السنة الأولى من وفاته بعدها يصير خير

انا ارى ان الأرامل أعظم نساء الأرض والله ماخذ زوجها منها مبكر الابيعوضها هي وأطفالها بأجمل العوض في الاخرة والدنيا بس بالدنيا يبغالها شوي تصبر وثم ترا بأم عينها الفرج والعوض الجميل أن الله مع الصابرين

الله يرحم زوجك ويفرج همك
والله ماحسيت بالحاجه الا لما سافر زوجي وقعدت وحدي في بيتي
احتاج مستشفى احتاج اروح اخلص مشوار محد يوديني
ولو ودوني يودوني في الوقت اللي يناسبهم واضطر اسكت واصبر
الله يرجعه بالسلامه ويخليه لي ولبنته ولا يحوجنا لاحد
وانتي تعلمي السواقه ضروري عشان ماتحتاجين احد واذا عند زوجك بيت اقعدي فيه لاتروحين عند اهلك يقعدون يعصبون على اطفالك ويضربونهم
مالهم الا بيت ابوهم يرتاحون فيه
اسفه قلبت موضوعك فضفضه 😭

عن موضوع أسئلة الصغار
اخذت استشاره من الدكتور جاسم المطوع
وكانت نصيحته الاحتواء و طولت البال هذا اولاً
ثانياً تكرار أسئلته تحتاج الاجوبه كل ما يسأل جاوبيه لا تسكتي .. وانت اسبقيه وقوليله حكايه عن مثلاً طير توفى و كيف راح الجنه هذا الطير وتكلمي عن الجنه .
ثالثاً الصبر على أسئلتهم وتركهم يعبروا عن غضبهم في حال بكيوا او صاحوا . مهم جداً للطفل يعبر عن غضبه و انزعاجه لا تقاطعيه خليه يبكي .


انا يا اختي جربت اقول حكايه لبنتي زي ما نصحني .. بنتي مره ما استوعبت الحكايه .. وساعات تعترض على الحكايه
وقلت لها انه بابا في الجنه خلاص ما يجي .. زعلت وزاد بكاها وزات نفسيتها سؤ
عدتها كم مره وبعدين وقغت قلت امكن الشيء فرق قدرات استيعابها
للاسف لما صرت اسكت و ارد بكلمة الله يرحمه فقط حسبتها متقبله للاسف ما لقيت فايده لانه اصلاً بنتي شوي متأخره في الكلام
جربي نصايح الدكتور .. اتمنى تفيدك
والله يحفظ لك اطفالك ويبارك فيهم ويقويك على تربيتهم
وانا لله وانا اليه راجعون