اللي متوفى زوجها .. تدخل !!!

ماتقدرين تلهينهم، ابوهم هذا..
عادي علميهم قولي بابا راح عند الله الي بيهتم فيه اكثر منا كلنا واحنا بنصلي وندعي له عشان الله يجمعنا سوا مره ثانيه فالجنة..
اما انك تتوقعين انهم "بيلهون" فهذا مستحيل هذا ابوهم والله يجبر قلبك وقلوبهم

الله يجبركم انتي وعيالك
شوفي اولا كلامي لك تاكدي محد بهالدنيا مرتاح كل الدنيا ابتلاءات
الحمد لله على اقدار الله وحطي في بالك ربي مايختار لنا الا الافضل
وربي بيعوضكم ان شاء الله وحالك افضل مليون مره من حال ارامل غيرك بعضهم فعلا بعد حياة زوجها تتبهذل لابيت ولا راتب
بالنسبة للصغار اختي نفس وضعك توفى زوجها قبل كم شهر واكبر طفله عندها نفس عمر بنتك
قالتلهم بابا راح الجنة .. وكلنا بنروح هناك بعدين وقامت تحكيهم قالتلهم راح يبني لنا بيت وعلميهم يدعون كذا يرتاحون شوي
والصغيره كانت كل شوي تسالها بابا متى يجي كانت تقولها مسافر اخر شي قالتلها بابا راح بعيييد راح الجنة
صارت تقول بنروح الجنة حتى وهي تلعب ياعمري مشتاقه لابوها لكن الحمد لله فتره وتخف كثير
حاولي تشغلينهم هالفتره انا اختي اشغلتهم جوالات وطلعات الحمد لله الوضع افضل
بعد فتره الحمد لله تتعودون هي بس بالبدايه يكون الوضع صعب مو متعودين عليه
واختي رجعت بيتها ترا كذا يرتاحون الصغار اكثر بغرفهم ومكانهم
بالنهاية بقول لك ربي ياخذ ويعوض ..لكم العوض الجميل يارب بالدنيا وبالاخرة

امين

تصدقين كنت اواسي غيري وشاكرة لكم مواساتكم وكلامكم اسعدني الله يجزاكم خير
لكن لما صرت بنفس الوضع وحسيت الفقد عرفت مافي اي شي ممكن يواسي الارمله ابدا
واكثر شي يالم الاطفال ونظراتهم لغيرهم وكلمه بابا وهم يسمعونها من اولاد خالهم بنتي اخيان تقولي بابا تاخر
اشتقت له ابوهم يجي كل يوم واحنا لا
الصغير كل ليله قبل النوم لازم يسال واول مايصحى يسال يمكن فترة زي ماتقولون بس كل كلمه تزرع الف غصه بقلبي يعني يطلبون شي ماتقدرين تجيبينه ابد لابفلوس ولا باي شي
الموت صعب لانك توقفين بالنص لاتقدرين تكملين ولا تقدرين ترجعين اللي راح
الحمد لله على كل شي الله يكتبنا من الصابرين ويرحمنا ويرحمهم بواسع رحمته ويجمعني فيه انا واولادي في جنات الخلد

وشاكرة للي ارسلو لي خاص الوفا طبعي ما اقدر ارد عليكم عشان مشاركاتي قليله للاسف